text size
Бидејќи нивните цени паѓаат поради стравот од рецесија, индустриските метали би можеле да го имаат најлошиот квартал од финансиската криза во 2008 година. Бакарот падна од рекордното ниво на кое беше пред четири месеци, а цената на калајот падна за 21 отсто во најлошата недела од кризата во 80-тите.
Ова е драматичен пресврт од последните две години, кога цените на металите скокнаа во височините поттикнати од оптимизмот по рестриктивните мерки во пандемијата, но и поради очекуваната инфлација и застојот во снабдувањето. Сега кога пристигна инфлацијата, синџирите на снабдување се опоравуваат, но цените на металите продолжуваат да тонат бидејќи загриженоста за забавувањето на индустриското производство од страна на големите економии се испреплетува со падот на побарувачката во Кина.
На металите како бакарот што се користи во сè, од тешка индустриска машинерија до напредна електроника, цените во голема мера им зависат од економските трендови. Сегашниот пад е знак дека напорите на пазарот на суровини за ограничување на цените вродуваат со плод. Цените на металите паѓаат и покрај завршувањето на заклучувањето во Кина. Брокерите се обложуваат дека цените на бакарот ќе продолжат да паѓаат.
Bloomberg
„Дури и ако Кина закрепне во втората половина од годината, нема да може сама да ги врати цените на рекордно ниво, тоа време помина“, вели Амелија Ксијао Фу, директорка за стоковни стратегии во BOCI Global Commodities. „Ако другите економски велесили влезат во рецесија, Кина нема да расте со висока стапка“, додава таа.
Производната активност во Кина опаѓа, а мерењата на S&P Global во четвртокот покажаа дека и европското производство опаѓа, првпат по две години, додека пак производството во САД достигна најниско ниво во последните 23 месеци. Брзината на продажба на бакар и други индустриски метали сугерира дека инвеститорите се обложуваат на многу поголем пад на побарувачката во наредните недели.
Бакарот го достигна најниското ниво во последните 16 месеци во петокот, кога на лондонската берза на метали се продаваше за 8.122,50 долари за тон. Со пад од 11 отсто во јуни, се трасира на патеката за најголема месечна загуба во последните 30 години. Паѓаат и други метали, како што се алуминиумот и цинкот, а Bloomberg Industrial Metals Spot Subindex во овој квартал падна за 26 отсто и е на пат да го достигне својот најголем пад од крајот на 2008 година. Цената на лимот е повеќе од преполовена од рекордните мартовски нивоа.
Металите се погодени повеќе од другите производи како што се житарките и енергенсите на чии залихи посилно влијае руската инвазија на Украина. Подиндексот Energy Spot на Bloomberg порасна за 10 отсто од крајот на март, а земјоделскиот индекс падна за 9,7 отсто.
Но, синџирите за снабдување на пазарот за метал и натаму функционираат многу отежнато. Глобалните залихи се намалуваат, па дури и „Голдман Сакс“ (Goldman Sachs) предупреди дека побарувачката ќе треба да се намали за да се намали притисокот.
Падот на цените на индустриските метали започна претходно месецов, откако Федералните резерви (ФЕД) ги зголемија каматните стапки за 75 базични поени и предупредија дека напорите да се спречи огромната инфлација може да резултираат со рецесија. Но, продажбата на акциите се забрза минатата недела, кога инвеститорите на другите пазари почнаа да ги зголемуваат цените, потпирајќи се на сигналите дека циклусот на зголемување на каматните стапки на ФЕД може да заврши порано.
.webp){kind=icon}
