text size
Извршниот директор на компанијата за електрични возила „Тесла“ (Tesla), Илон Маск, повика на повеќе инвестиции во рафинирањето на литиум на светско ниво, за да се олесни недостигот на материјал за батерии и им вети на оние кои ќе ја искористат можноста дека тоа ќе биде исто толку профитабилно како печатењето на пари.
„Би сакал уште еднаш да апелирам до претприемачите да влезат во бизнисот за преработка на литиум. Рударството е релативно лесно, рафинирањето е многу потешко“, рече во средата главниот извршен директор на Tesla, додавајќи дека од преработката на литиум може да се заработи по маржи слични на оние во софтверската индустрија. „Не можете да загубите, тоа е лиценца за печатење пари“, нагласи тој.
Ограничената достапност на литиум, поради што се зголемија цените, не е резултат на недостигот на суровини, туку на ограничениот глобален капацитет за испорака на хидроксид со висока чистота и хемикалии од карбонат потребни во синџирот на снабдување со батерии, рече тој. Цените на литиум-карбонатот во Кина скокнаа за речиси 450 отсто во изминатата година.
Bloomberg
Рафинирањето е доста тешко, бара многу машини и тешко е да се зголеми неговиот волумен, изјави Маск. Кина го држи најголемиот дел од постоечкиот капацитет за преработка на литиум, иако добавувачите започнуваат проекти и во други центри. Tianqi Lithium ја испорача својата прва серија производи од новиот објект во Австралија во мај.
Австралија треба да има за цел да обезбеди поголем капацитет за обработка и производство за да му помогне на светот да ја задоволи растечката побарувачка за батерии, изјави оваа недела претседателот на Tesla, Робин Денхолм. Проекти никнуваат и на локации како Чиле, Аргентина и САД.
Tesla гради фабрика за катоди во Тексас и работи на рафинирање на литиум. „Доколку нашите добавувачи не ги решат овие проблеми, тогаш ние ќе ги решиме“, рече Маск.
Компанијата забележува дека цените на некои други материјали, вклучувајќи ги челикот и алуминиумот, се на надолна траекторија и очекува да ги почувствува придобивките подоцна оваа година.
.webp){kind=icon}
