Цените на литиумот, суровина од витално значење за напојувањето на електрични возила, се закануваат да ги зголемат трошоците за кинеските производители на батерии. Имено дури и по состанокот, минатата недела, на кој кинеските власти побараа од главните производители да ги стабилизираат цените, литиум карбонатот се искачи на нов рекорд, достигнувајки цена од 500.500 јуани (70.716 долари) за тон. Литиумот сега чини поскапо и од моментот на почетокот на годината, кога Илон Маск од Tesla Inc. ги нарече цените „луди“.
„На краток рок, не мислам дека состанокот ќе и помогне на Кина да го излади овој тренд“, рече Пенг Ксу, аналитичар во BloombergNEF. Цените за видот на литиум кој е во делумно обработена форма се зголемуваат во услови на несовпаѓање на понудата и побарувачката и тоа ги притиска маргините на кинеските рафинерии за литиум, рече Ксу, додавајќи дека сè уште има простор за придобивки од сегашните нивоа на цените.
Инаку работите во Кина изгледаа малку полесно во март или пролетоска. Потоа, официјалните лица ги повикаа на разговори претставниците на синџирот на снабдување и им наложија дека цените мора да бидат „рационални“. Тоа придонесе за зауздување на растечкиот тренд. Но, тоа дојде во време кога имаше и ново заклучување поради ковид вирусот што ја ограничи побарувачката. Сега, работите се поинакви.
Bloomberg Mercury
Производството во Кина расте, со производството на електрични возила кое е зголемено за повеќе од двојно од пред една година. Кинеската асоцијација за патнички автомобили очекува продажбата на електрични возила да достигне рекордни 6 милиони оваа година, двојно повеќе од бројот во 2021 година. Снабдувањето со литиум сè уште ја следи побарувачката, а постои загриженост за достапноста на енергија во клучните производствени центри оваа зима.
Падот на кинеската валута, исто така, игра улога во порастот на тамошните цени. Јуанот падна за повеќе од 10 проценти оваа година и се движи кон најлошото годишно остварување од 1994 година. Зголемувањето на каматата од страна на Федералните резерви на САД (ФЕД) од 75 базични поени во средата само ги влоши работите. Кина обично купува суровини во долари, така што слабеењето на јуанот ги зголемува трошоците за увозниците во земјата.
.webp){kind=icon}