text size
Цената на нафтата е на пат за најголема неделна загуба во една година поради загриженоста за слабата побарувачка и тесната понуда, иако ОПЕК+ го одложи планираното зголемување на производството за два месеца.
Брентот во петокот се тргувaше близу 73 долари за барел и е намален за речиси осум отсто оваа недела, додека цената на суровата нафта ВТИ (West Texas Intermediate) е околу 69 долари. Групата на производители нема да го зголеми производството за 180.000 барели дневно во октомври и ноември, соопшти ОПЕК, но го задржа својот план за зголемување на производството на нафта за 2,2 милиона барели дневно во текот на годината.
ОПЕК+ претходно сигнализираше дека сака да продолжи со планираното зголемување на понудата од октомври, но го промени курсот поради остриот пад на светските референтни цени на нафтата. Нафтата првично порасна кога групата ОПЕК ја објави својата изјава во четвртокот, но денот го заврши главно непроменето.
Прочитај повеќе
По падот на цената, ОПЕК+ сака да го одложи зголемувањето на понудата на нафта
ОПЕК+ е блиску до договор за одложување на планираното зголемување на производството откако цените паднаа поради кревката побарувачка.
05.09.2024
Цените на нафтата паднаа од почетокот на јули поради загриженоста за економијата на клучните потрошувачи, особено Кина, и знаците за зголемено снабдување надвор од групата ОПЕК, иако неодамнешните прекини на снабдувањето од Либија го запреа натамошниот пад на цената.
„Очекуваме дека одложувањето на зголемувањето на производството на нафта во рамките на групата ОПЕК+, тековните геополитички настани и финансиските позиции ќе влијаат цената на нафтата од типот брент да биде меѓу 70 и 72 долара за барел“, велат аналитичарите на „Ситигруп“ (Citigroup), вклучувајќи го и Ерик Ли. Од банката исто така изјавија дека очекуваат цените да паднат на околу 60 долари во 2025 година, кога ќе има значителен вишок на пазарот.
Исто така, има знаци на слаба побарувачка за некои рафинирани производи. Кинескиот и индискиот пазар на дизел, кои го сочинуваат најголемиот дел од азиската побарувачка, покажуваат знаци на забавување, при што маржите на рафинирање се намалуваат. Тоа ги отсликува трендовите во Европа, каде што фјучерсите минатата недела го достигнаа најниското ниво од средината на 2023 година.
Во меѓувреме официјалните податоци во САД покажуваат дека комерцијалните резерви од сурова нафта во земјата паднале за речиси седум милиони барели минатата недела, на најниско ниво во една година.
Цени:
- Брентот за ноемвриското порамнување беше малку променет на 72,75 долари за барел во 12:44 часот во Сингапур.
- ВТИ за испорака во октомври беше стабилен на 69,20 долари за барел.
.webp){kind=icon}
