Цената на нафтата расте поради стравовите од ескалација на Блискиот Исток

Нафтата зајакна на почетокот од овонеделното тргување откако изгуби речиси осум отсто од својата вредност во текот на минатата недела, главно поради тоа што трговците ги следеа тензиите на Блискиот Исток, кои претставуваат потенцијална закана за снабдувањето. Друг знак што се следи е економската состојба во Кина, која е најголем увозник на нафта. Земјата е фокусирана да ја засили помошта за да ја поттикне својата економија.

Цената на нафтата брент за декември порасна за 0,4 проценти, на 73,32 долари за барел, а цената на ВТИ (вест тексас интермедиејт - West Texas Intermediate) за испорака во ноември се искачи за 0,5 отсто, на 69,53 долари.

Bloomberg Mercury

Во саботата беспилотно летало на Хезболах експлодира до приватниот дом на израелскиот премиер Бенјамин Нетанјаху, а следниот ден Израел отвори нов воен напад врз збиралиштата на групата во Либан. Израел веќе вети дека ќе му возврати на Иран за ракетниот напад на почетокот на октомври.

Во Азија, Кина денеска ги намали своите референтни стапки за заеми откако претходно централната банка на крајот на септември ги намали каматните стапки како дел од серијата мерки за заживување на економскиот раст. Говорејќи во Сингапур, главниот извршен директор на саудиската нафтена компанија „Арамко“, Амин Х. Насер, рече дека е оптимист во врска со потрошувачката на нацијата.

Суровата нафта имаше нестабилен месец и трговците балансираат меѓу ризиците за испорака од Блискиот Исток, каде што Израел се соочува со Техеран, наспроти знаците на мала побарувачка во Кина. Во исто време Меѓународната агенција за енергетика (ИЕА) соопшти дека зголемените глобални резерви може да доведат до суфицит следната година, при што ОПЕК + (Организацијата на земји извознички на нафта и нивни сојузници) е подготвен да обнови дел од затворените капацитети во фази, почнувајќи од декември.

„Ако не видиме голема ескалација на ситуацијата на Блискиот Исток, и натаму очекувам дека цените на нафтата ќе бидат дополнително под притисок бидејќи влегуваме во период, вклучувајќи ја и следната година, на поудобни пазари“, рече Фатих Бирол, раководител на ИЕА, во разговор за телевизијата „Блумберг“. За тоа тој наведе повеќе фактори, меѓу кои и брзиот раст на производството во Америка.

Во Израел премиерот Нетанјаху, кој веќе вети дека ќе му возврати на Иран за ракетниот напад на почетокот на октомври, одржа состаноци со највисоките соработници за да разговараат за следните напади на неговата нација врз Техеран. Доцна во петокот американскиот претседател Џо Бајден навести дека има детали за плановите на Израел, но не откри кои се тие. Претходно тој тврдеше дека случајот не ја погодува енергетската инфраструктура.

„Се чини дека пазарот ја отфрли веројатноста Израел да изврши напад врз ирански цели во најмала рака до пред изборите во САД, на 5 ноември“, рече Вандана Хари, основач на единицата за анализа на енергетските пазари „Ванда инсајтс“ (Vanda Insights), осврнувајќи се на претседателската трка.

Во моментов нема коментари за веста. Биди прв да коментира...

Остави коментар