ОПЕК+ се согласи да го намали производството на нафта за октомври

ОПЕК+ групата прифати симболично да го намали снабдувањето со нафта за октомври, сметајќи дека така ќе се стабилизира пазарот, откако забавувањето на глобалната економија предизвика најдолг пад на цената на нафтата во последните две години.

Следниот месец групата ќе го намали производството за 100.000 барели дневно, враќајки ги залихите на ниво од август, рекоа делегатите. Изненадниот потег прави пресврт во однос на септемвриското зголемување, што беше направено како одговор на молбите на американскиот претседател Џо Бајден.

Новиот договор би можел да биде загрижувачки за државите потрошувачи, кои веќе се борат со инфлаторниот притисок врз цената на нафтата од 95 долари за барел и изгледите за зимската енергетска криза. Состојбата на пазарите е на пат да се заостри бидејќи Европската Унија (ЕУ) ја санкционира руската нафта поради инвазијата врз Украина.

Иако намалувањето е „не толку важно во смисла на обемот, туку повеќе има за цел да испрати сигнал дека ОПЕК+ се враќа на функцијата за следење на цените“, рече Бил Фарен Прајс, шеф за макроистражување на нафта и гас во Европа.

Брентот нафта во текот на денешното тргување се зголеми за 3,2 отсто и барел чинеше 96,03 долари.

Bloomberg Chartmaker

Додека трговците главно очекуваа дека Организацијата на земјите извознички на нафта и нејзините сојузници нема да ја донесат таа одлука, водечките производители од ОПЕК+ уште претходно најавија дека одлуката во врска со производството може да се промени. Саудискиот министер за енергетика, принц Абдулазиз бин Салман, пред неколку недели рече дека алијансата ОПЕК+ го разгледува намалувањето како начин да се стабилизиа прекумерната несигурност на глобалниот пазар.

Фјучерсите на нафта загубија 20 отсто од вредноста во последните три месеци поради стравот од глобалното економско забавување, што го загрози неверојатниот приход во кој што годинава уживаа Саудијците и нивните партнери. Кина, најголемиот извозник на нафта, покажа знаци на „алармантно“ економско забавување. Поради слабеењето на деловните активности и острите ограничувања поради Ковид-19, потрошувачката во Кина падна за 9,7 отсто во јули, што претставува двегодишен мунимум. Во меѓувреме, САД ја заобиколува рецесијата и води остра монетарна политика.

Анализата на комитетот на ОПЕК+ покажува дека глобалната побарувачка во четвртиот квартал ќе биде поголема од залихите, што ќе предизвика намалување на залихите за 300.000 барели дневно.

Новоименуваниот генерален секретар на ОПЕК, Хаитам Ал Гаис, во средината од август рече дека очекува да порасне побарувачката од потрошувачите кои се вратија во нормала по двегодишните ограничувања поради ковидот.