Нестабилна цена на нафтата во пресрет на извештајот за инфлацијата во САД

Цената на нафтата варира додека инвеститорите ја одмеруваат побарувачката за таа суровина на светско ниво. Влијание, секако, има и очекувањето за новите податоци за инфлацијата во САД, што е основен параментар според кој Федералните резерви (ФЕД) ќе ја водат монетарната политика во следниот период.

Фјучерсите „West Texas Intermediate“ (WTI) се тргуваа под 88 долари за барел во нестабилна сесија, која што следуваше по тридневниот раст од околу 7 проценти, главно поради падот на американската валута. Морган Стенли ги намали своите прогнози за цената на „Brent“ нафтата за овој и за следниот квартал, откако тоа го стори и „UBS Group AG“.

Bloomberg Chartmaker

Напорите да се оживее иранскиот нуклеарен договор доживеаја неуспех. Американскиот државен секретар Ентони Блинкен рече дека е малку веројатно дека САД и Иран во скоро време ќе постигнат нов договор, повторувајќи ги коментарите од Франција, Германија и Велика Британија и отфрлајќи идно зголемување на иранската испорака на нафта.

Цената на нафтата минатата недела достигна најниско ниво од јануари, бидејќи инвеститорите се загрижени поради светската потрошувачка. Загрижува Кина, која е најголем извозник, а каде што властите спроведуваат строги ограничувања поради вирусот, но и Европската Унија (ЕУ) поради подготовката на планови за рестрикција на струја поради енергетската криза. Сепак, откако минатата недела достигна рекорд, доларот ослабна, што ја направи нафтата поевтина за купувачите во странство.

„Не очекуваме наскоро континуиран раст“, наведуваат аналитичарите на Морган Стенли, додавајќи дека „забавувањето на растот во сите главни економски блокови укажува на намалување на побарувачката за нафта веќе подолго време, а тоа сега е видливо и во последните податоци, специфични за нафтата. Кина во тоа има особено значаен придонес“.

Податоците за американската инфлација, кои ќе бидат објавени во текот на денов, детално ќе ги опишат притисоците врз цените во август, а економистите очекуваат пад на бројките во однос на претходните денови, главно поради поевтините горива. Сепак, трговците и натаму очекуваат уште едно големо зголемување на каматните стапки од страна на ФЕД следната недела, земајќи ги предвид изјавите на надлежните, кои го поддржуваат тој став.

Инвеститорите подоцна во текот на денов ќе добијат и увид во краткорочните прогнози за пазарот, кога Организацијата на земји извознички на нафта ќе ја објави својата месечна анализа. На состанокот што се одржа минатата недела, групата произведувачи и нивните сојузници, вклучувајќи ја и Русија, најавија намалување на испораките на нафта.

Во моментов нема коментари за веста. Биди прв да коментира...

Остави коментар