Недостатоците да ги претвориме во предност за да држиме чекор со регионот, порача премиерот Христијан Мицкоски на вчерашната конференција на „Блумберг Адрија“, која се одржа под работен наслов „Back to business: Економски потенцијал и развојни можности на Македонија“. Тоа што Македонија не излегува на море и нема ниту природни ресурси, како нафта и гас, се недостатоци што може да се анулираат ако земјава ја искористи природната положба и стане транспортна раскрсница за Европа преку коридорите 8 и 10, цел на која премиерот вели дека Владата е максимално посветена.
Отплатата на кредитите сè уште е проблематична
Иако забавено, трендот на раст на проблематичните кредити кај домаќинствата продолжува. Во вториот квартал од годинава растот изнесуваше 10,7 отсто. Во јули биле повисоки за 559 милиони денари (9 милиони евра) отколку во првиот квартал.
Најпроблематични се потрошувачките кредити. Растот на нефункционалните кредити укажува дека има голем јаз во финансиската писменост кај населението. Една од причините е непознавањето на последиците од неконтролираното задолжување, што води до дополнително осиромашување.
ББА-коментар: Има простор за мал раст на нефункционалните кредити
Со сигурност можеме да кажеме дека проблематичните кредити веќе не се редовна главоболка за банките. Проблематичните кредити покажуваат материјализација на кредитниот ризик - заемот станува проблематичен кога клиентот ќе престане да ги плаќа обврските кон банката (главно кога доцни со отплатите 90 дена) и доколку клиентот не може навреме да го врати долгот, билансот на успех на банката ги трпи последиците.
Регионот генерално помина добро во постпандемискиот период, банките се ликвидни и ќе продолжат со непречено кредитирање. Читајте повеќе во коментарот од нашите аналитичари.
Странци „се тепаат“ да влезат во македонскиот банкарски сектор
Зошто странски компании се заинтересирани за купување македонски банки? Зошто не треба да се очекува дека каматите ќе паднат на нивото од пред пандемијата? Како осигурителниот сектор поттикнува развој на македонската економија? Ова се само некои од прашањата на кои се осврнаа учесниците на панелот „Пристап до пари во услови на глобални промени, кој го финансира растот?“ што се одржа во рамките на конференцијата на „Блумберг Адрија“ во Скопје.
Интересот за банките е голем, но цената е превисока. Од друга страна, повеќе инвеститори сакаат да ги продадат бизнисите што ги имаат во осигурителниот сектор во Македонија, ама досегашните обиди завршиле безуспешно бидејќи немало интерес.
Автоматизацијата и геополитиката се клучни фактори за економскиот раст
Вештачката интелигенција е стратегиски катализатор што ја зголемува продуктивноста на средствата, ги зголемува перформансите во производството, влијае на намалувањето на потрошувачката на електрична енергија и, крајно, влијае на зголемување на продуктивноста. Дел од производството на големите компании е веќе роботизирано. Но поголемата употреба на дигиталните алатки го прави бизнисот поранлив на сајбер-напади.
Нудиме клуч за раст на Македонија: Задолжувајте се, ама за извоз
Во изминатите 10 години македонската економија порасна во просек за 2,3 проценти и да не беше пандемиската 2020 година, овој раст во просек би изнесувал нешто над три проценти, што може да се смета за солидна стапка на раст за малата и отворена економија на Македонија, сметаат аналитичарите на „Блумберг Адрија“.
Според нив, овој раст во голема мера зависи од потрошувачката на домаќинствата, која сочинува дури 67 проценти од БДП. Но, зависноста од потрошувачката не е аномалија, туку нормална ситуација. Читајте какви се можностите за раст на македонската економија и што може да се очекува во блиска иднина.
.webp){kind=icon}
