Илон Маск изјави дека неговиот тим од Одделот за контрола на владините трошења (Department of Government Efficiency - DOGE) ќе ги запре исплатите кон некои организации што се под федерални договори, сугерирајќи дека најбогатиот човек на светот може да има пристап до чувствителни системи користени во Министерството за финансии на САД.
„Корупцијата и отпадот се искоренуваат во реално време“, објави Маск на X, велејќи дека службениците од неговиот оддел за владина ефикасност „забрзано запираат“ исплати кон таквите организации.
Министерството за финансии не одговори веднаш на прашањата за степенот на пристапот на Маск. Претседателот Доналд Трамп го постави извршниот директор на „Тесла“ - и најголем донатор во неговата изборна кампања - на чело на напорите за модернизација на федералната информациска технологија.
Прочитај повеќе
По замрзнувањето на проектите, не работи и веб-страницата на УСАИД
Пристапот до веб-страницата на агенцијата викендов е оневозможен
02.02.2025
Но Маск изгледа дека го проширува тој мандат за да воспостави контрола над финансиските текови во други делови на федералната влада. Високи безбедносни службеници на УСАИД (USAID) беа пратени на одмор во саботата откако одбија да му дозволат на персоналот од одделот на Маск пристап до системите на агенцијата за странска помош, велејќи дека немаат потребни безбедносни дозволи.
Маск во неделата ја нарече УСАИД „криминална организација“, која треба „да умре“.
Маск цели на системите што процесираат десетици милијарди долари дневно во плаќања за агенциите на владата на САД и службениците што ги надгледуваат. Изјавите на Маск во неделата следуваат по заминувањето на Дејвид Лебрик, највисокиот службеник во Министерството за финансии, кој беше задолжен за системите за плаќање во Бирото за фискални услуги.
Трамп во неделата вечер изрази одобрување за акцијата на Маск. „Илон прави добра работа“, рече Трамп пред новинарите.
„Тој е голем намалувач на трошоци“, додаде Трамп. „Понекогаш нема да се согласуваме со тоа и нема да одиме каде што тој сака да оди, но мислам дека прави одлична работа. Тој е паметен човек, многу паметен, и многу е заинтересиран за намалување на буџетот на нашата федерална влада“.
Сенаторот Рон Вајден, високиот демократ во Комитетот за финансии на Сенатот, во петокот рече дека му било кажано дека секретарот за финансии Скот Бесент му дал на одделот на Маск целосен пристап до системите за плаќање на Министерството за финансии.
„Социјалните и медицинските бенефиции, грантови, плаќања кон изведувачи, вклучувајќи ги и оние што директно им конкурираат на компаниите на Маск“, посочи Вајден на Блускај (BlueSky), платформа што е ривал на X на Маск.
Службениците на Министерството за финансии долго време тврдат дека нивната улога е да служат како сметководител на федералната влада - и дека одлуката дали да се одобри или одбие плаќањето им припаѓа на индивидуалните агенции врз основа на средствата одобрени од Конгресот.
„Тимот @DOGE откри, меѓу другото, дека службениците за одобрување плаќања во Министерството за финансии имале упатства секогаш да одобруваат плаќања, дури и на познати измамнички или терористички групи. Тие буквално никогаш не одбиле плаќање во целата своја кариера. Ниеднаш“, напиша Маск на X, без да обезбеди докази.
Министерството за финансии има систем Do-Not-Pay, кој е дизајниран да спречи такви плаќања.
Маск рече дека DOGE ги запира плаќањата од Министерството за здравство и човечки услуги на САД кон ЛФС (Lutheran Family Services), верска добротворна организација што обезбедува социјални услуги за бегалци.
.webp){kind=icon}
Во моментов нема коментари за веста. Биди прв да коментира...