Претседателката на Европската комисија, Урсула фон дер Лајен, го загуби судскиот спор поврзан со обидот на „Њујорк тајмс“ да ги добие тајните текстуални преписки со шефот на „Фајзер“, кои се однесуваат на преговорите на Унијата за склучување голем договор за вакцини во екот на пандемијата на ковид-19.
Судиите во Општиот суд на ЕУ во Луксембург ја потврдија тужбата на „Њујорк тајмс“, велејќи дека таа „не успеала да даде убедливо објаснување за да го оправда непостоењето на пораките“. „Њујорк тајмс“ побара од судот да наложи објавување преписката меѓу Фон дер Лајен и извршниот директор на „Фајзер“, Алберт Бурла, што би можело да покаже како е склучен скап договор за вакцини во 2021 година.
Високиот старт во 2025 година ветува мирно лето за македонските блучипови
Седум од десет компании што се дел од македонскиот берзански индекс МБИ10 остварија раст на добивката во првите три месеци од годинава споредено со истиот период минатата година, а кај трите преостанати намалувањето на остварениот профит е незначително. Во услови на нови геополитички тензии и закани за трговска војна, ваквите резултати покажуваат дека македонските блучипови не се премногу засегнати од глобалните случувања и дека имаат потенцијал 2025 година да ја завршат со поголем успех отколку претходната година.
Ги анализираме кварталните резултати на компаниите што се дел од индексот МБИ10.
ББА-прогноза: Француската „Енџи“ ќе испорача солидни резултати за првиот квартал
Француската енергетска компанија „Енџи“ се очекува да постигне малку пониски резултати во првиот квартал од 2025 година во споредба со претходната година, главно благодарение на високите перформанси од првиот квартал од 2024 година, се наведува во прогнозата на аналитичарот на „Блумберг Адрија“ Милош Ѓаковиќ.
Компанијата продолжува да постигнува маргина на ЕБИТДА што е за околу една третина пониска од конкурентите како што се „Енел“ и ЕДФ, што укажува дека има дополнителен простор за подобрување на оперативната ефикасност и рационализација на портфолиото во одредени сегменти.
Царинските акробации на Трамп ги држат берзанските аналитичари во неизвесност
Нестабилниот пазар на акции ги принудува водечките аналитичари на Волстрит на драстични промени во прогнозите. Минатиот месец стратезите за продажба масовно ги намалија своите прогнози за индексот S&P 500 додека претседателот Доналд Трамп воведуваше царини низ светот, што предизвика бран на продажба на акции. Меѓутоа, неговата администрација во меѓувреме го смени правецот и ги ублажи најстрогите планови за трговски мерки – последно во низата беше привременото меѓусебно намалување на царините со Кина – што ги натера истите тие стратези целосно да ги ревидираат своите предвидувања.
„Беше навистина бурно“, рече Ед Јардени, ветеран од Волстрит и основач на „Јардени рисрч“ (Yardeni Research). „Обично ретко ги менувам моите прогнози. Овој пат им реков на клиентите дека го задржувам правото да ја менувам прогнозата толку често колку што претседателот го менува мислењето“.
Во светот на Трамп, авионите се клучни за политичко додворување
Не е лесно да се биде Доналд Трамп, особено ако како американски претседател е принуден да лета со авион стар речиси 40 години на којшто, како што вели самиот, итно му е потребна надградба.
Додека чека нов авион од „Боинг“ (планиран за испорака во 2027 година), очите на претседателот се насочуваат кон авионот „747-8“ во сопственост на Катар, кој би требало да биде привремена бесплатна замена. Прифаќањето подарок од земјата богата со готовина во име на Министерството за одбрана на САД е лесна одлука за Трамп, кој рече дека „никогаш нема да биде од оние што ќе одбијат таква понуда“. Но критичарите на планот, вклучувајќи и некои од неговите колеги републиканци, велат дека тој отвора етички, правни и безбедносни прашања.
ММФ предупредува: Вештачката интелигенција е ненаситна за струја
Вештачката интелигенција (ВИ) за само неколку години излезе од лабораториите и стана централна тема во владините стратегии, технолошкиот напредок и финансиските пазари. Нејзиниот потенцијал е јасен: поголема продуктивност, автоматизација на процеси и долгорочен раст. Но, како што предупредува најновиот извештај на Меѓународниот монетарен фонд (ММФ), напредокот доаѓа со цена – и таа се мери во терават-часови. Во посебно поглавје од априлското издание на извештајот „Светска економска перспектива“, експертите на ММФ нагласуваат дека „ВИ добива сè поголемо макроекономско значење, вклучувајќи и преку својот ефект врз потрошувачката на електрична енергија“.
Додека јавната дебата е насочена кон регулативата, етиката и влијанието на ВИ врз пазарот на трудот, ММФ предупредува дека токму енергетската инфраструктура може да не го издржи темпото.
.webp){kind=icon}
Во моментов нема коментари за веста. Биди прв да коментира...