Меѓународниот монетарен фонд (ММФ) ја подобри својата прогноза за глобалниот раст оваа година, но предупреди дека загриженоста за меурот на вештачката интелигенција (ВИ), како и за трговските и геополитичките тензии, остануваат ризици за светската економија.
ММФ сега очекува глобален раст од 3,3 проценти за 2026 година, што е подобрување во однос на октомвриските проекции за раст од 3,1 отсто, покажува извештајот за светските економски перспективи објавен вчера. Проценката за 2027 година останува непроменета и изнесува 3,2 отсто.
Добро утро, следува изборот на останатите важни вести за почеток на денот.
Рекордниот увоз на половни автомобили го „збогати“ и остаре возниот парк во Македонија
Во текот на 2025 година во Македонија биле увезени вкупно 60.459 патнички автомобили од кои 46.805 биле употребувани автомобили, а 13.654 биле нови автомобили. Податоците на Царинската управа покажуваат дека бројот на увезени употребувани автомобили лани е најголем во изминативе пет години.
Според податоците на Државниот завод за статистика на крајот на 2024 година во земјава имало вкупно 580.000 патнички автомобили. Така што, со ланскиот увоз вкупниот број на автомобили во Македонија ја надмина границата од 640.000.
Полнењето електричен автомобил во Македонија предизвик за кој уште сме до стратегијата
Студениот бран што ја зафати земјава дополнително го истакна проблемот со недостигот од полначи за електричните возила. Ниските температури го забавуваат процесот на полнење, а бројот на полначи во Македонија е симболичен.
Заклучно со лани, регистрирани се околу 2.000 електрични возила, а поставени се стотина јавни полначи, што е вистински предизвик за возачите. Околу половина од јавните полначи се на ЕВН и се поставени на територијата на целата земја. Најголем дел од нив е со моќност од 22 kW.
Ниту по отстапките на Брисел нема мир во автоиндустријата
Пред две години, кога директорот на „Мерцедес Бенц“, Ола Келениус, ја отфрлаше можноста од 2035 година во Европската унија навистина да биде забранета продажбата на нови автомобили со мотори на внатрешно согорување, тврдејќи дека тоа би претставувало закана за пазарот и дека декарбонизацијата е можна и со плаг-ин хибриди кои користат дизел и бензин, многумина во Брисел, но и низ Европа, неговите настапи ги доживеаја како неодговорни, па дури и опасни за европските климатски цели.
Но, изгледа дека првиот човек на автомобилскиот гигант од Штутгарт сепак пронашол начин да биде слушнат, и во Брисел и во Берлин.
Членките на ЕУ размислуваат за воведување царини на американски стоки во вредност од 93 милијарди евра
Европската Унија е во преговори за воведување царини на стоки од Соединетите Американски Држави во вредност од 93 милијарди евра (108 милијарди американски долари) доколку претседателот Доналд Трамп ја оствари својата закана за воведување царини од 10 проценти за европските земји од 1 февруари. Покрај царините, ЕУ разгледува дополнителни контрамерки, но прво ќе се обиде да најде дипломатско решение, соопштија извори запознаени со разговорите.
Лидерите на ЕУ ќе одржат итен состанок во Брисел во текот на неделава за да разговараат за можни контрамерки.
Златото и среброто скокнаа на рекордно високо ниво поради новите закани за царини
Златото и среброто скокнаа на рекордно високо ниво бидејќи интензивирањето на притисокот на американскиот претседател Доналд Трамп да го преземе Гренланд ги поттикна стравувањата од штетна трговска војна меѓу САД и Европа.
Цената на златото скокна за 2,1 отсто, на близу 4.700 долари за унца, додека среброто скокна за 4,4 проценти бидејќи агресијата на Трамп влијаеше на вредноста на доларот и ја зголеми побарувачката за засолништа. САД ќе воведат царини за осум европски земји, вклучувајќи ги Франција, Германија и Велика Британија, кои се противат на планот за преземање на Гренланд.
.webp){kind=icon}
