Повеќе лица се приведени во голема полициска акција на Министерството за внатрешни работи во соработка со Основното јавно обвинителство за гонење организиран криминал и корупција.
МВР ја потврдува акцијата, но повеќе детали најавува за подоцна во текот на денот. Неофицијално, осомничени се 29 лица што претходно биле во управувачките органи на РЕК Битола, ТЕЦ Осломеј и ТЕЦ Неготино.
Тие се осомничени за организирање злосторничко здружение за злоупотреба на јавен повик за набавка на адитиви за РЕК Битола и за ТЕЦ Осломеј, со што нанеле штета и се стекнале со противправна имотна корист од 6,5 милиони евра.
Акцијата се спроведува во Битола, Кичево, Велес, Неготино и во Скопје. Со акцијата се опфатени и четири правни лица.
.webp){kind=icon}