Премиерот на Франција, Франсоа Бајру, би можел да падне од функцијата во понеделник, откако сам повика на гласање за доверба во Националното собрание — ризичен потег со кој се обидува да обезбеди поддршка за намалување на буџетскиот дефицит.
Бајру изјави дека гласањето е „потребно за појаснување“ и дека Франција има потреба од „силен шок“ за да се справи со растечкиот јавен долг. Сепак, планот му се заканува да се врати како бумеранг, бидејќи трите главни опозициски партии најавија дека ќе гласаат против него.
Зошто доаѓа до гласањето
Бајру сака да го намали буџетскиот дефицит од 5,4% на 4,6% од БДП до 2026 година. Тој предлага мерки што вклучуваат 44 милијарди евра заштеди преку кратење трошоци и зголемување даноци, како и контроверзната идеја за укинување два државни празника.
Прочитај повеќе
Што ќе се случи ако француската влада падне?
Француското собрание утре ќе гласа за доверба на премиерот
07.09.2025
Иднината на Франција е на коцка поради високиот јавен долг
Париз има трет највисок јавен долг во Европската Унија, веднаш по Атина и Рим, што би можело да знаци недоверба за актуелниот француски премиер — особено во земја која веќе има највисоко даночно оптоварување во Европа.
06.09.2025
Франција моментално има најголем буџетски дефицит во еврозоната, а трошоците за сервисирање на долгот се очекува да достигнат 75 милијарди евра следната година.
Bloomberg
Што следува ако владата падне
Доколку Бајру ја изгуби довербата, претседателот Емануел Макрон може да назначи нов премиер или да распушти парламентот и распише нови избори — иако блиски до него велат дека второво не е во план.
Новата влада би се соочила со истите предизвици: непопуларен буџет, заканувачки штрајкови и поделено собрание. Минатата година, сличен обид го чинеше функцијата и тогашниот премиер Мишел Барние.
Bloomberg
Политичка нестабилност и реакција на пазарите
По најавата за гласањето, финансиските пазари реагираа со загриженост. Индексот CAC 40 падна, а разликата во приносите меѓу француските и германските обврзници се зголеми, иако се стабилизираше откако стана јасно дека Макрон не сака нови избори.
Политичката блокада, поделениот парламент и слабата поддршка од јавноста го прават управувањето со Франција сè потешко.
Bloomberg
Зошто е политичката ситуација во Франција толку тешка за управување
Бајру сметаше дека може да го протурка својот предлог ако, како и со буџетот за 2025 година, успее да убеди некои умерени левичарски пратеници да го поддржат. Но, кога стана јасно дека буџетот за 2026 ќе наиде на силен отпор, реши да повика на гласање за доверба — потег што веднаш предизвика паника на пазарите и пад на вредноста на француската државна имотнина.
Трите најголеми опозициски групи — крајнодесничарското Национално обединување, левичарската Непокорена Франција и социјалистите — веќе најавија дека ќе гласаат против него, оставајќи го Бајру со минимални шанси.
Падот на уште една француска влада, откако неговиот претходник Мишел Барние издржа само 90 дена како премиер, дополнително би ја ослабил и онака кревката позиција на претседателот Макрон. Последиците од минатогодишното распуштање на парламентот беа длабоко поделено Национално собрание, расцепкано меѓу три спротивставени блока.
Bloomberg
Што може да очекуваме
Ако Бајру биде сменет, Макрон ќе мора брзо да најде нов премиер кој може да формира влада и да го турка буџетот, пред најавените штрајкови на 10 и 18 септември.
Иако Уставот не предвидува рок за назначување, долгото одложување може дополнително да ја дестабилизира ситуацијата. Идеалниот кандидат би морал да обедини центристи и да најде заеднички јазик со умерената левица.
Макрон може повторно да распише избори, но тоа би го ризикувало неговото веќе ослабено мнозинство во парламентот — сценарио што сака да го избегне.
Bloomberg
.webp){kind=icon}
Во моментов нема коментари за веста. Биди прв да коментира...