БМВ го прекрши ветувањето - новата „серија 3“ останува без дизелски мотор

БМВ при претставувањето на новата „серија 3“ ги нагласуваше технолошката неутралност и слободата на избор на погон. Истовремено, од својот најважен модел го исфрли дизелскиот мотор. Новата „серија 3“ ќе биде достапна со бензински мотор, како електричен автомобил, а подоцна и како плагин хибрид, додека дизелаш по повеќе од четири децении повеќе нема да има.

 

Во Минхен ја нагласуваат важноста на слободата на избор, но кај „серија 3“, се чини, го погазија тоа ветување.

„Важен дел од новата ’серија 3’ е технолошката неутралност на погонот“, изјави при премиерата Мајкл Кајглер. „Нашите купувачи имаат можност за избор. Можат да го изберат погонскиот склоп што најдобро одговара на нивните потреби, без компромиси“, истакна тој.

BMW

И покрај ветувањата, новата „серија 3“ остана без дизелски погон. Моделот за кој во БМВ велат дека е срцето и душата на компанијата ќе биде достапен со три бензински мотори и во две електрични изведби.

„За сите што и понатаму ги сакаат звукот и карактерот на моторот со внатрешно согорување ќе бидe достапнa спортскa шестцилиндрична и голем број четирицилиндрични верзии.“

Кајглер откри и дека „серија 3“ во иднина ќе биде достапна како плагин хибрид. Подоцна пристигнува и електричниот М3, со четири електромотори и повеќе од 800 коњски сили.

Почетокот на крајот за дизелот

Исфрлањето на дизелскиот погон е изненадување. Уште оваа година со дизелскиот модел 318д отпатував во Минхен и се изненадив од неговата мала потрошувачка и голем досег.

БМВ меѓу автомобилските марки во Словенија има втор најголем удел на дизелаши. По осум месеци оваа година уделот на дизелот изнесуваше околу 36 проценти, додека кај „серија 3“ и „серија 4“ беше поголем од 40 проценти.

Од БМВ порачуваат дека се насочуваат кон погоните за кои побарувачката е најголема на глобално ниво, но признаваат дека структурата на побарувачката значително се разликува од регион до регион.

 

 

„Серија 3“ во актуелната генерација нудеше два дизелски мотора, а посебност беше трилитарскиот шестцилиндричен погон. Со исфрлањето на дизелот, БМВ завршува приказна долга повеќе од 40 години. Сепак, тоа не е крај на дизелот, туку почеток на неговото пошироко повлекување. Дизелскиот мотор и понатаму е најштедлив, но поради сè поскапиот развој и сложените системи за прочистување на издувните гасови, на производителите им носи сè помала заработка.

БМВ на денот за инвеститорите соопшти дека планира да ја подобри профитабилноста со поедноставување на работењето, намалување на трошоците и зголемување на продажбата на поскапи возила. Компанијата настојува да ја обнови профитабилноста погодена од ценовната војна во Кина, големите инвестиции во електрични модели и трошоците поврзани со царините. Раководството постави цел до 2028 година автомобилската маржа да ја зголеми на три до пет проценти, а на почетокот на следната деценија да ја врати во долгорочниот целен опсег од осум до 10 проценти.

  

Зошто електричната и бензинската „тројка“ се речиси исти

БМВ ја избра Хрватска за промоција на бензинската „серија 3“. Не мислам на Римац, туку на островот Паг, каде што се направени фотографиите.

Технички и одблизу го погледнавме автомобилот пред околу половина година, кога беше претставен електричниот и3 (i3). Многумина на прв поглед ќе помислат дека станува збор за целосно ист автомобил. И јас при претставувањето имав ист впечаток.

„Исти се само маската и задниот дел“, ни објасни Андерс Тегерсен, главниот дизајнер на новата „серија 3“. „Сите други делови од каросеријата се различни.“

Тој додаде дека станува збор за интересна приказна. Кога пред неколку години го претставиле концептот на „серија 3“, сè уште не знаеле дека серискиот автомобил ќе биде многу сличен на концептот.

Електричниот i3 50 xDrive и бензинскиот M350 x Drive | BMW

„Одлучивме и електричната и класичната тројка да ја задржат истата форма бидејќи станува збор за нашиот најважен модел.“

Моделот и3 има нешто помалку од четири сантиметри подолго меѓуоскино растојание, додека бензинската верзија има подолг капак на моторот. Најлесно ќе се разликуваат според растојанието меѓу предното тркало и возачката врата. Кај бензинскиот модел тоа растојание е поголемо.

Кабината на електричниот модел, поради поголемото меѓуоскино растојание, им овозможува повеќе простор на патниците на задната клупа, додаде Тегерсен.

„За повисоките возачи сепак е попространа класичната тројка. Бидејќи во подот нема батерија, седиштето е поставено пониско, па има повеќе простор за главата.“

М350 по стапките на М3 и М5

Капакот на моторот е подолг за неколку сантиметри бидејќи во тој простор требало да се смести шестцилиндричниот мотор. Тој ќе ја придвижува верзијата „М350 x драјв“, која ни ја претставија во огненоцрвена боја.

Иако електричната и класичната тројка на прв поглед ми изгледаа речиси идентично, црвениот „М350 x драјв“ остави значително поспортски впечаток благодарение на атрактивните бандажи и четирите издувни цевки. Во БМВ велат дека тоа ќе биде еден од најспортските претставници на семејството „серија 3“.

Посебен акцент е ставен на светлосниот потпис со жолтите М-светла, кои досега беа резервирани само за најмоќните модели со ознака ЦС (CS).

 „За првпат сега се достапни и на моделот М перформанс“, рече Кајглер.

BMW

„М350 x драјв“ има приспособлива М-суспензија, а тука се и спортскиот управувачки систем и електронски контролираниот заден диференцијал. Ќе биде достапен и таканаречениот „дрифт момент“ (Drift Moment), режим на возење што поголемиот дел од моќноста го пренесува на задните тркала и овозможува возење карактеристично за класичниот погон на задните тркала.

„Со притискање копче, автомобилот од погон на сите четири тркала може да премине во погон на задните тркала. Таа функција за првпат ја воведуваме во моделот М перформанс“, објасни Максимилијан Ничке, продуктен менаџер на новата „серија 3“. „Така возачот сам одлучува дали сака погон на сите четири или на задните тркала, па практично добива два автомобила во еден“, се пошегува Ничке.

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

BMW

Погледнете ја галеријата

Тројката станува дигитална, производството останува во Германија

Како што веќе пишувавме при претставувањето на електричниот и3, новата генерација на БМВ „серија 3“ се темели на иновациите на семејството „ноје класе“ (Neue Klasse). Тоа особено се гледа во кабината.

Јадрото на корисничкото искуство го сочинува БМВ панорамик и-драјв (BMW Panoramic iDrive), кој поврзува три клучни елементи.

„Првиот е централниот екран, кој е уште повеќе насочен кон возачот и ја нагласува ориентацијата кон возачот карактеристична за претходните генерации на ’серија 3’“, објасни Ничке.

BMW

Вториот елемент е „панорамик вижн“ (Panoramic Vision), проектор што ги прикажува податоците по целата ширина под ветробранското стакло.

Третиот е опционалниот тродимензионален проекциски екран, односно ХАД (head-up display), рече Ничке.

Во БМВ нагласуваат дека „серија 3“ останува автомобил произведен во Германија. Компанијата инвестирала две милијарди евра во производството на „серија 3“.

Производството на моделот и3 започна во текот на летото 2026 година во Минхен, а подоцна ќе започне и во Мексико и Кина, појасни Ничке, откривајќи дека групацијата на тој начин ја намалува изложеноста на царините.

„Производството на ’серија 3’ со мотор со внатрешно согорување ќе започне кон крајот на годината во Динголфинг.“

Купувачите ќе можат да ги поднесат нарачките за двата моделa на почетокот на есента 2026 година, додаде тој.

Компонентите за електричниот погонски склоп и бензинските мотори ќе ги испорачува фабриката во австрискиот Штаер, додека батеријата ќе се произведува во баварскиот град Ирлбах-Штраскирхен.

BMW