Пред неколку децении, речиси сите нови „ферарија“ беа црвени. Денес, таквите се само 40 проценти. Класичната „росо корса“ (Rosso Corsa) сè уште е сигурен избор за првиот купувач, но колекционерите сакаат нешто повеќе и често се одлучуваат за посмели нијанси како „виола хонгконг“ Viola Hong Kong (виолетова) или „верде тоскана“ (Verde Toscana) (зелена).
„Ферари“ (Ferrari NV) стана највредниот европски производител на автомобили преку зголемување на продажбата и цените, додека истовремено ги убедуваше купувачите да избираат поскапи опции. Факт е дека „Ферари“ профитира од клиентите кои ги персонализираат своите автомобили до максимум. Дизајнерите на „Ферари“ со задоволство ги исполнуваат барањата за персонализација, која сочинува речиси една петтина од приходите од возила и резервни делови.
Овој финансиски приход помогна автомобилите со еден од најпрепознатливите симболи во авто-индустријата – „галопирачкиот коњ“ – да ги престигнат сите европски ривали по пазарна вредност, иако продаваат помалку од 14.000 возила годишно. Како што неодамна извести „Блумберг Адрија“, „Ферари“ најмногу заработува по автомобил и по приход е далеку пред своите конкуренти (го следи „Ламборгини“ / Lamborghini).
Прочитај повеќе
Големо враќање на суперавтомобилите со огромни мотори
Новиот „ѕвер“ на „Астон Мартин“ со 824 КС, кој чини 429.000 долари, се придружува на групата целосно нови суперавтомобили со шест и седумцифрени цени, вклучувајќи ги „ферари 12 цилиндри“ со 819 КС од 423.000 долари и хибридниот „ламборгини ревуелто“ со 1.000 КС и цена од 604.000 долари.
22.09.2024
Во „Ферари“ за влакно избегната дипфејк измама што го имитирала извршниот директор
Директор во „Ферари“ (Ferrari NV) почнал да добива куп неочекувани пораки, навидум од извршниот директор.
26.07.2024
Ве водиме во новата фабрика на „Ферари“ за производство на електрични суперавтомобили
„Ферари“ се приближува кон својот прв целосно електричен суперавтомобил.
24.06.2024
Меѓутоа, многу клиенти сега се соочуваат со финансиски загуби при продажбата на своите „ферари“ возила, и тоа не само поради изборот на непривлечни опции. Речиси новите спортски автомобили се натрупуваат на пазарот на половни автомобили, како што известува Крис Брајант за „Блумберг“ (Bloomberg). Тој наведува дека италијанскиот производител делумно ги обвинува ексцентричните избори на своите богати клиенти за пониската препродажна вредност. Дали прецизно поставениот бизнис модел на персонализација на Ferrari почнува да се троши?
Некои опции, како специјалната боја, „можеби не се толку ценети од страна на другиот купувач“, изјави генералниот директор Бенедето Виња пред инвеститорите во август, наведувајќи анализа за 20.000 продадени половни автомобили. Наспроти тоа, „функционалните“ избори на персонализација ја задржуваат својата вредност, додаде тој, инсистирајќи дека вкупната преостаната вредност останува „силна“.
Bloomberg Mercury
Брајант тврди дека ефектот на персонализација врз продажната вредност за вториот купувач е ризичен. „'Ферари' нуди широк спектар на опции за прилагодување, но тоа е меч со две острици“, вели тој. Опциите како што се специјални бои и уникатни завршни обработки може да бидат исклучително привлечни за првиот сопственик, но често предизвикуваат проблеми при препродажба на автомобилот.
На пример, смелите или необични бои што го рефлектираат индивидуалниот вкус на купувачот можеби нема да бидат привлечни за идните сопственици, што може значително да ја намали вредноста на возилото на пазарот на половни автомобили. Сепак, постојат и граници: светло розовата боја е забранета, додека впечатливи нијанси како „бронзо масару“ (Bronzo Masaru - металик бронза) или споменатата „виола хонгконг“ се достапни по прифатлива цена. Надградените опции лесно можат да додадат шестцифрени суми на веќе високите цени. Дали се исплатливи?
Функционалните персонализации, како додавање на карбон фибер или подобрување на перформансите, би требало да ја задржат поголемата вредност. Овие избори често се попосакувани на пазарот на користени и половни автомобили, бидејќи ја зголемуваат вредноста на возилото во однос на перформансите и долговечноста.
„Ферари“ повеќепати нагласува дека опциите кои го подобруваат возачкото искуство или функционалноста на возилото имаат тенденција да бидат побарани и на пазарот на половни автомобили, додека естетските промени како необични бои или егзотични материјали можат да ја отежнат продажбата.
Рачно насликаниот „Скудерија“ (Scuderia) штит на страната на возилото ќе ве чини 9.500 фунти, додека „триколоре“ (Tricolore) линијата чини повеќе од двојно. Овие опции се атрактивни, но не ја зголемуваат нужно вредноста на возилото при препродажба. Дополнително, панорамскиот покрив за теренецот „ферари пуросангуе“ (Ferrari Purosangue) од 313.000 фунти чини околу 13.400 фунти, додека специјалната двослојна боја чини 22.500 фунти. Овие додатоци се наведени на плочката во багажникот за купувачот да може да покаже што купил, но за жал на сопственикот, цените не се прикажани.
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Интересно е што речиси 75 проценти од новите возила што компанијата ги продала во 2023 година отишле кај постоечки клиенти на „Ферари“, а 40 проценти кај сопственици кои веќе поседуваат повеќе од едно „ферари“. За да „напредуваат“ на скалата на лојалност на „Ферари“, потребно е, на пример, да поседуваат хибрид „СФ90 страдале“ (SF90 Stradale), чија цена беше 376.000 фунти, за воопшто да добијат можност да купат ограничена едиција СФ90 ХХ (SF90 XX), која чини повеќе од 670.000 фунти (без напредни опции).
Во моментот има многу возила „СФ90 страдале“ на продажба, а нивната вредност брзо паѓа. Најевтиниот примерок на пазарот на половни автомобили моментално може да се најде за 295.000 фунти, што значи повеќе од 20 проценти помалку за само три години на патиштата. Ако додадете само 10.000 фунти повеќе, можете да купите ист модел од 2022 година.
Bloomberg Mercury
Како да го убедите вториот купувач дека таа специјална боја вреди 22.000 фунти повеќе? Брајант смета дека раскошното прилагодување на ограничените серии на „ферари“ може да има финансиска смисла, бидејќи тие модели обично добиваат на вредност кога ќе престанат да се произведуваат, а некои дури се наменети за музеи. На пример, купето „рома“ (Roma).
Компанијата неодамна го претстави унифицираниот „ферари рома спајдер“ (Ferrari Roma Spider) со високи перформанси, што претставува модерна верзија на италијанскиот начин на живот од педесеттите и шеесеттите години на минатиот век, „ла долче вита“ (la dolce vita). Моделот е изложен во Музејот на Енцо Ферари во Модена како дел од изложбата „Ferrari One of a Kind“, посветена на ексклузивниот свет на персонализација на овој производител од Маранело.
Неговата најистакната карактеристика е мекиот кров на превиткување, кој се враќа во понудата на „Ферари“ на автомобил со преден мотор по 54 години, од моделот 365 ГТС4 (365 GTS4).
Целта на оваа посебна верзија на „рома спајдер“ е да ги истакне иновативните техники за производство на компоненти, овозможени преку користење на специјални материјали. Меѓу нив посебно се издвојува изработката на ткаенината на централниот дел од седиштата со рачно изработени шевови, каде е користена кожа од ентериерот на автомобилот, додека конецот е направен од рециклирана гума.
На овој модел, „Ферари“ ја претстави можноста за персонализирање на дизајнот на хаубата со мотив на роза на ветрот и географските координати на Маранело.
Другите интересни карактеристики вклучуваат употреба на напа кожа без хром и дрво со контролирано потекло на покривот и задниот под, како и компоненти од прав на централната конзола, рециклиран од правот отстранет од калапите во леарницата во Маранело.
И уште една новост: за вистинските љубители на брендот со длабоки џебови, „Ферари“ неодамна го претстави својот нов суперспортски автомобил, модел по цена од 3,6 милиони евра. Овој автомобил, со хибриден В6 (V6) мотор со 1.200 коњски сили, е еден од најскапите модели на компанијата, а ќе бидат произведени само 799 единици. Испораките започнуваат кон крајот на следната година. Двоседот Ф80 (F80), со максимална брзина од 350 км/ч, е првиот суперспортски автомобил на компанијата од моделот „ла ферари“ (LaFerrari) од 2013 година.
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
Ferrari.com
Погледнете ја галеријата
.webp){kind=icon}
