„Шанел“, познат по парфемот број 5, јакните од твид и мини-здолништата, во последните месеци доживеа заминување на неколку извршни директори од луксузната модна куќа поради забавувањето на побарувачката за скапоцени производи во таа индустрија. Поранешниот шеф на „Шанел“ за Јапонија им се придружи на директорите на „Шанел“ од САД и од Велика Британија, кои си заминаа две години по почетокот на мандатот на извршната директорка Лина Наир.
Потезите доаѓаат во време кога секторот на луксузни производи се приспособува на понормални нивоа на потрошувачка откако побарувачката порасна кога се намалија ограничувањата за време на пандемијата. Консултантската компанија „Бејн“ (Bain) проценува дека индустријата годинава ќе порасне до 4 отсто во најверојатното сценарио, што е намалување од 8 отсто во 2023 година, нагласувајќи ги предизвиците со кои се соочуваат луксузните компании.
Ричард Колас, кој го водеше бизнисот за „Шанел“ во Јапонија од 1995 до 2018 година, го напушта брендот по четири децении, изјави неодамна претставник на „Шанел“. Тој, како што рекоа, во последните неколку години го поставил глобалниот бизнис за малопродажба на дестинации за патување.
Во претходната година заминаа и други извршни директори. Џон Галантик замина на крајот на јуни по 16 години, придонесувајќи за развојот на е-трговијата и дигиталниот бизнис на „Шанел“ како претседател и извршен директор во регионот на САД. Во септември го замени Стефан Бланшар.
Во март, Оливие Николај ја напушти компанијата по повеќе од три децении, според неговиот профил на Линкдин, кој ги надгледуваше операциите во Велика Британија, Канада и во Латинска Америка. Николај ги предводеше напорите на „Шанел“ заедно со други луксузни куќи да лобира кај британската влада за повторно воведување на ослободувањето од туристичката такса, потег што допрва треба да се случи. На местото претседател во Велика Британија, тој беше заменет од Елизабет Англес д'Ориак, која дојде во „Шанел“ во 2019 година од ЛВМХ (LVMH Moet Hennessy Louis Vuitton SE).
Bloomberg
„Шанел“ е во приватна сопственост на браќата милијардери Ален и Џерард Вертхајмер, чие поединечно богатство се проценува на приближно 45 милијарди долари според индексот на милијардери на „Блумберг“. Компанијата, основана во Париз, но со седиште во Лондон од 2018 година, еднаш годишно ги објавува своите финансиски резултати, обично на крајот на мај. Споредбено, приходите пораснале за 17 отсто, на 17,2 милијарди долари, во 2022 година.
Брендот се смета за еден од најексклузивните во секторот на луксузот, со торби како чантата со средна големина што сега се продаваат за околу 10.000 евра во Франција по долгогодишните агресивни зголемувања на цените. Модните колекции на „Шанел“ ги предводи Вирџини Вијард, која ја презеде позицијата по смртта на Карл Лагерфелд во 2019 година.
Зборувајќи за „Блумберг“ во мај, финансискиот директор на „Шанел“, Филип Блондија, рече дека побарувачката во САД е ослабена, но дека тие сè уште забележуваат раст во тој дел од светот, како и двоцифрен раст во Кина. Во тоа време Наир изјави дека „Шанел“ не планира да започне јавна понуда на акциите на компанијата, што долго време беше предмет на шпекулации.
.webp){kind=icon}
Во моментов нема коментари за веста. Биди прв да коментира...