Не постои човек што не сака одвреме-навреме да се почести со некое брендирано парче облека, накит или козметика, па затоа не е чудно што луксузот опстојува и покрај проблемите и економските промени. Највредните луксузни брендови достигнаа десетици милијарди долари годинава, а меѓу нив доминираат француските.
Глобалната индустрија за луксузни производи вклучува пијалаци, мода, козметика, мириси, часовници, накит, багаж и чанти, но годинава највреден бренд стана германски производител на автомобили.
Bloomberg
Вредноста на познатиот бренд „Порше“ (Porsche) во 2024 година е проценета на 43,1 милијарди долари, со што за повеќе од десет милијарди долари го надмина вториот највреден бренд - „Луј Витон“ (Louis Vuitton). Според процената на „Бренд директори“ (Brand Directory), брендот на една од најпознатите француски модни куќи годинава достигна вредност од 32,2 милијарди долари.
Прочитај повеќе
Дали логото на „Луј Витон“ почесто ќе го гледаме на чинии отколку на чанти?
„Луј Витон“ вчера ја отвори продавницата во Њујорк во која има повеќе брендирани ресторани отколку чанти и други познати производи.
23.11.2024
Луксузните брендови за накит сѐ повеќе се фокусираат на угостителството
Потрошувачите го ставаат искуството на прво место.
09.11.2024
Зошто е тешко да се задржи директорска позиција во високата мода?
Ако континуитетот и традицијата се мерила за престиж и успех за луксузните брендови, тогаш индустријата е во сериозна криза.
20.10.2024
Можат ли парфемите да ја спасат индустријата на луксузот?
Парфемите се најбрзо растечката категорија на луксузна козметика оваа година.
29.09.2024
Зошто на „Барбери“ му треба враќање на бритпопот
Брендот „Барбери“, икона на британската модна индустрија, поминува низ неславен период.
24.09.2024
Bloomberg
Нивниот француски конкурент „Шанел“ (Chanel) го зазеде третото место, со 26,1 милијардо долари, а го следат францускиот „Хермес“ (Hermès), кој вреди 16,7 милијарди долари, и италијанскиот „Гучи“ (Gucci), со 14,9 милијарди долари.
Доминацијата на француските брендови ја потврдуваат „Диор“ (Dior), со 14,7 милијарди долари, и „Картие“ (Cartier), кој со вредност од 13,6 милијарди долари се наоѓа две места подолу. Инаку, во првите десет највредни брендови има вкупно пет француски, а три се дел од царството на познатиот француски конгломерат на луксуз ЛВМХ (LVMH / Moët Hennessy Louis Vuitton).
Единствениот бренд од Швајцарија на листата е „Ролекс“ (Rolex), познат по своите скапи часовници, со проценета вредност од 13,8 милијарди долари.
Bloomberg Mercury
Уште еден познат бренд од автомобилската индустрија, „Ферари“ (Ferrari), е претпоследен на листата и вреди 10,6 милијарди долари, додека на десеттото место се наоѓа американскиот бренд „Тифани“ (Tiffany & Co.), специјализиран за луксузен накит, чија вредност е 8,5 милијарди долари.
.webp){kind=icon}
