Кога Сотириос Вулгарис (Сотирио Булгари), грчки златар роден во 1857 година во селото Каларите во Епир, на 20-годишна возраст се упатил кон Италија во потрага по подобри можности, тој го имал само својот занает. Неговите први парчиња накит биле инспирирани од грчката и римската антика, со која изградил препознатлив стил, кој му овозможил да ја отвори својата прва продавница во Рим во 1884 година. Неговите синови го продолжија неговото дело и го позиционираа „Булгари“ како престижен бренд за накит со исклучителна изработка. Денес тој е еден од најскапите брендови за луксузен накит, во мнозинска сопственост на луксузниот конгломерат ЛВМХ.
Но не е само накитот заслужен за успехот на брендот. Во текот на изминатите неколку децении еволуцијата на хотелите „Булгари“ беше производ на соработката помеѓу посветениот тим на групацијата „Булгари“ во Рим и групата луксузни брендови „Мериот интернешнл“. Хотелите „Булгари“ во Милано, Шангај, Пекинг и Бали и понатаму се меѓу највисокорангираните луксузни имоти на овие дестинации.
Но тие не се единствените. Тука се и „Бушерон“ (Boucheron), со познатиот хотел во Париз, и „Тифани“ (Tiffany & Co.), кој го отвори „Блу бокс кафе“ (The Blue Box Café) во стоковната куќа „Херодс“ (Harrods) во Лондон, како и многу други луксузни брендови што инвестираат во екстензии на брендови во обид да го диверзифицираат својот бизнис и да ги зголемат приходите во различни сегменти.
Прочитај повеќе
Комплексната историја зад часовникот „дракула“, кој има и свој ковчег
Швајцарскиот бренд „Хроносвис“ неодамна го лансира својот нов модел на луксузен часовник „дракула“, вреден 41.800 долари.
02.10.2024
Хибридот „ламборгини ревуелто“ од 604.000 долари е врвен предатор
Топ модел на новите хибриди на „Ламборгини“ е моделот „ревуелто“, кој е претставен во 2023 година.
27.09.2024
Третманите против опаѓање на косата поттикнуваат раст на козметичкиот пазар
Глобалниот пазар за производи против губење односно за раст на косата вредеше 3,4 милијарди долари во 2023 година, а се очекува да достигне 5,6 милијарди долари до 2032 година.
29.09.2024
Зошто на „Барбери“ му треба враќање на бритпопот
Брендот „Барбери“, икона на британската модна индустрија, поминува низ неславен период.
24.09.2024
Како чантата на Тејлор Свифт сигнализираше дека пазарот е поконкурентен од кога било
Дизајнерот Мајкл Корс ексклузивно за пазарот на чанти и неговиот бренд.
21.09.2024
Наместо да се потпира само на продажбата на накит, проширувањето во секторот за луксузно угостителство му помага на брендот да генерира дополнителен профит и да се позиционира како лидер во луксузниот сегмент, се објаснува во годишниот извештај на „Мекинси“ (Mc Kinsey&Company) за трендовите во индустријата на луксузот. Во ова истражување се нагласени два клучни тренда што ја објаснуваат сѐ поактуелната експанзија на луксузните брендови во туристичката индустрија.
Иако шопингот сè уште е високорангиран по потреби и навики, потрошувачите се подготвуваат за најголемата сезона на патувања од пред пандемијата. Промената на вредностите или приоритетите кога станува збор за потрошувачката значи дека патниците имаат различни очекувања. Не се доволни само луксузното сместување, цената и достапноста на дестинацијата. Вклучувањето локални брендови и производи им се допаѓа на потрошувачите што сакаат на суштински начин да ја искусат културата на дестинацијата.
Другиот тренд е бренд-маркетинг. Како што модната индустрија се соочува со променлив пејзаж, каде што маркетингот на перформансите повеќе не е во првите редови, емотивните врски на потрошувачите со брендовите стануваат сè поважни. Тоа ја нагласува потребата за автентичност, ефективно раскажување приказни и поврзување со клиентите на подлабоко ниво.
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
„Булгари“ ги сфати сериозно и двата тренда. Последниот од вкупно деветте хотели што беа отворени во Рим минатата година е корисна студија на случај за тоа. Процесот на дизајнирање базиран на традиционални занаети и инспирацијата низ историјата се темите на актуелниот документарен филм „Империјалниот скапоцен камен – создавањето на хотелот ’Булгари‘ во Рим“. Филмот е визуелно моќно патување низ фазите на создавање хотел што го прикажува најдоброто од италијанската изработка.
Станува збор за исклучиво рачна работа во сите сегменти на проектирањето, за што беа вложени многу повеќе часови во рамките на тригодишното реновирање во кое учествуваа повеќе од 300 работници.
На пример, за да се направи само половина метар рачно изработена ткаенина жакард што се користи за драперии, извршниот директор на компанијата „Рубели“ од Венеција вели дека е потребен еден ден, а се користи истиот принцип како во 15 и 16 век. Традиционална изработка е применета во венецијанските подови терацо, акценти на најквалитетниот мермерен мозаик, малтер марморино на ѕидовите и „Булгари бар“ од црн мермер, кој е украсен со 60 спирали рачно издувано стакло мурано произведено од „Баровие и Тасо“ (Barovier&Toso). Меѓу другите украсни елементи се издвојуваат вазните на Џинори од 1930-тите. Не е познато колку е потрошено за сите најдобри производи од италијански занаетчии, но некои извори наведуваат дека за хотелот во Милано, отворен пред повеќе од две децении, само за внатрешни работи се издвоени 6 милиони евра.
Кога станува збор за потребата од когнитивниот аспект на патувањето и потопувањето во културата на дестинацијата, хотелот „Булгари“ во Рим е вистински скапоцен камен и, како што вели насловот на филмот, царски.
Нема многу хотели посветени на император, а овој хотел како главна инспирација го има првиот император од Римската Империја, Октавијан Август. Се наоѓа на местото Пјаца Аугусто Императоре, со поглед не само на царскиот мавзолеј туку и на еден од неговите највеличествени споменици, белата мермерна зграда „Ара пацис“ (олтар на мирот).
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Bulgari hotels & resorts press
Погледнете ја галеријата
Значајна е и оригиналната римска статуа на императорот Август во лобито на хотелот, позајмена од фондацијата „Торлонија“, која „Булгари“ помага да се обнови. Овој акцент на автентичноста и зачувувањето на културата продолжува низ целиот хотел, со прозорци и простори со луксузни скапоцени камења од целиот свет - жолт мермер од брокател од Блискиот Исток, црвен јаспис од Судан и зелен кварц од Бразил.
Дизајнот е инспириран и од други историски римски антички градби, вклучувајќи ја и јавната бања „Каракала“ од 3 век, која се рефлектира во раскошниот спа-центар во хотелот, кој располага со 20-метарски базен опкружен со осум арабески мермерни столба, со области за релаксација во црна боја и злато, кои содржат копии на класични скулптури.
Апартманот „Булгари“ на вториот кат е најскапата, но и најгламурозна опција за сместување (38.000 евра од ноќевање). Овој апартман од речиси 300 квадратни метри има главна спална соба, гардероба, голема бања со туш со пареа и када направена од едно парче арабески мермер „коркија“, чија форма е инспирирана од гореспоменатите бањи „Каракала“. Има и приватна кујна, бар и голема трпезарија со мермерна маса од Агапекас, дизајнирана од Манџароти.
Долната граница за соба е 1.900 евра за ноќевање
Ако сакате да ја видите оригиналната статуа на царот Август во неговата царска облека без да ја платите бараната цена за сместување, терасата на покривот на хотелот е отворена за јавноста за пијалаци, како и елегантното „Ил кафе“ (Il Caffè), кое нуди целодневно мени. Очекувано, тоа нема да бидат најевтините тестенини во Рим, но барем можете да пиете еспресо што чини 5 евра.
Сепак, сè е во искуството.
.webp){kind=icon}
