.webp){kind=icon}
Додека продажбата на повеќето луксузни стоки драстично забави, побарувачката за парфеми и тоалетна вода останува силна. Парфемите се најбрзо растечката категорија на луксузна козметика оваа година, со раст на приходите од 12 проценти во првата половина од годината во споредба со истиот период во 2023 година, според извештајот за индустријата за убавина на „Циркана“ (Circana).
Продажбата расте на двата краја на ценовниот спектар во луксузниот сегмент: парфемите и тоалетната вода продолжуваат да даваат најголем придонес во растот, и покрај зголемувањето на цените. Производите со пониски цени, како што се мини верзии и миризливи спрејови за тело, исто така придонесуваат за успехот на категоријата. Всушност, по пандемијата, продажбата на мини пакети и пакети за патување порасна двојно побрзо од вкупната категорија парфеми.
И покрај пооптимистичките предвидувања за индустријата за убавина како целина, се појавија предизвици кои ја доведоа во прашање идејата дека секторот за убавина е имун на рецесијата што е распространета во луксузниот сектор. ЛВМХ (LVMH), на пример, не ги исполни очекувањата на аналитичарите во вториот квартал. Дури и помалите играчи како, на пример, „Пуиг“, забележаа пад на нивните акции во вториот дел од годината. „Пуиг“ соопшти дека падот на продажбата на шминка го одразува забавувањето на кинескиот пазар и намалените залихи на одредени трговски синџири. Оваа компанија најголемиот дел од својот профит (74 проценти) го остварува од продажба на парфеми односно брендовите како „Жан Пол Готје“ и „Каролина Херера“, а оваа година „Готје“ се приклучи на листата на 10-те најпродавани брендови на парфеми во светот. Како што претходно објави „Блумберг Адрија“, „Пуиг“има 11 отсто пазарен удел во категоријата парфеми на глобално ниво, а во мај објави дека планира да собере 2,5 милијарди евра од јавна понуда.
Прочитај повеќе
Вашите омилени парфеми сега се исто така на јавна понуда
Компанијата исто така постигна раст во својот моден сегмент.
14.04.2024
Синџирот на парфимерии „Даглас“ ја лансира својата прва јавна понуда
„Даглас“ е основан од шкотскиот имигрант Џон Шарп Даглас во 1821 година.
23.03.2024
Дали парфемот може да ви помогне да добиете унапредување?
Хаштагот #perfumetok има 2,3 милијарди прегледи, а на Тикток има посебна еуфорија за парфемите со феромони.
09.02.2024
Покрај големите луксузни конгломерати, кога се парфемите во прашање, на производителите на арапскиот уд (oud) не им е непозната амбицијата за иницјална јавна понуда. Парфемот уд е традиционален блискоисточен мирис добиен од смолата на дрвото аквиларија, по потекло од Југоисточна Азија. Имајќи предвид дека само мал процент од овие дрвја произведуваат смола, овој ресурс е еден од најретките и затоа една од најскапите состојки за парфеми во светот.
Како што пренесува „Блумберг“, саудиската парфемска компанија „Ал Мајед“ (Al Majed for Oud Co.) добила повеќе нарачки за својата иницијална јавна понуда (IPO) отколку што има достапни акции, само неколку часа откако книгата за нарачки беше отворена кон крајот на август оваа година. Компанијата продава 30 проценти од акциите - 7,5 милиони акции - со цел да собере до 188 милиони долари. Во текстот се наведува дека институционалните инвеститори целосно ја покриле книгата на нарачки во ценовниот опсег од 90 до 94 ријали (24 до 25 долари).
За илустрација, почетната малопродажна цена за уд парфеми од различни производители е 100 евра, а оваа состојка се наоѓа и во најскапиот парфем во светот: „Шумук“(Shumukh), унисекс парфем чие шише е украсено со 3.571 дијаманти, злато, сребро, бисери и топаз. Парфемот чие име на арапски значи „да се заслужи најдоброто“ го произведува компанијата „Д Спирит оф Дубаи парфумс бај Набил“ (The Spirit of Dubai Parfums by Nabeel) и се продава по цена од 1,295 милиони долари.
Генерација на дупликати
„За да успеат, брендовите и производителите на парфеми мора да ги освојат срцата и паричниците на генерацијата зед и на милениумците, кои се најважната генерација кога станува збор за употребата и интересот во категоријата“, објаснува Лариса Џенсен, советник за индустрија за убавина во „Циркана“.
Во споредба со севкупните корисници на парфеми, генерацијата зед ги надминува другите во неколку аспекти. Потрошувачите на возраст од 13 до 26 години го предводат патот во честа употреба на мириси, носејќи парфем најмалку три пати неделно, а моментално се повеќе ангажирани во оваа категорија отколку милениумците. Исто така, генерацијата зед е поверојатно да си купи парфем неколку пати годишно отколку другите возрасни групи.
Сепак, она што не е добра вест за луксузната индустрија е се попопуларниот тренд на купување дупликат парфеми токму кај оваа целна група.
Имено, во свет во кој клиентите ја чувствуваат привлечноста на луксузните производи, но не се нужно подготвени да ги платат нивните високи цени, многумина бараат поевтини алтернативи кои даваат слични резултати или искуства. „Dupes“ (кратенка од „дупликати“) ја исполнуваат оваа потреба. Според извештајот за потрошувачи на парфеми на „Циркана“за 2023 година, генерацијата зед доживува најголем годишен раст на интересот во категоријата. Оваа генерација е исто така двојно поголема веројатност да купи парфем што е дупликат или инспириран од поскап мирис. За генерацијата зед, скапата цена не секогаш значи подобар квалитет, објаснува оваа студија. Повеќе од половина од младите корисници на парфеми мислат дека поевтините мириси се исто толку добри како и луксузните брендови.
Ефектот генерација зед, исто така, ја турка границата кога станува збор за влијанието на социјалните мрежи врз купувањето парфеми. ТикТок се искачи на второто место меѓу потрошувачите со што ги наведува социјалните мрежи како клучен фактор при одлучувањето за купување парфем. Процентот на мажи кои го наведоа ТикТок како фактор кој влијае при купувањето парфем значително се зголеми во споредба со претходните две години. Но, „дупликат културата“ првпат се појави на Јутјуб (YouTube), кога влијателните на мрежата промовираа алтернативни луксузни производи за шминка, а подоцна и парфеми. Ефектот е особено забележлив на масовниот пазар на мириси, каде што приватните етикети кои произведуваат дупликати забележаа раст од над 50 проценти. Многу од овие брендови се промовираат како прифатливи дупликати на луксузни парфеми. Само да се потсетиме на минатогодишната лудост за „Зара ред темптејшн“ (Zara Red Temptation), десет пати поевтина замена за „Бакарт Руж 540“ (Baccart Rouge 540) на парфимерот Френсис Куркудијан, чие шише парфем од 35 ml се продава за 220 евра.
Bloomberg Mercury
Но, не се само парфемите за лична употреба изложени на културата на дупликати. За време на пандемијата, производите за подобрување на домот, како што се свеќите и дифузерите, исто така се продаваа добро, а трендот продолжи во изминатите неколку години. Овие мириси беа начин да се направи разлика помеѓу работниот и просторот за живеење, а луѓето ги доживуваа како форма на грижа за себе. Продажбата на интензивни мириси инспирирани од далечни дестинации доведе до бум во овој дел од индустријата за парфеми за време на пандемијата, а враќањето на патувањата не го забави тој тренд. Културата на дупликати не ја заобиколи ниту оваа поткатегорија. Едно од најпопуларните пребарувања и хаштагови е „Dyptyque dupes“, каде што светски познатите списанија, инфлуенсери, блогери и граѓани на форумите се натпреваруваат за да го најдат најверниот и најприфатливиот дупликат за средна големина од свеќата Diptyque 34 Boulevard Saint Germain за околу 100 евра. Совет: некои од нив чинат 20 пати помалку.
