Една од најромантичните и најатрактивни светски дестинации, Венеција беше домаќин на гламурозната свадба на милијардерот Џеф Безос и неговата свршеница, новинарката Лорен Санчез. Со спектакл кој привлече глобално внимание, парот официјално се заколна на вечна љубов во петокот вечерта, на островот Сан Џорџо, спроти Плоштадот Свети Марко.
Свадбената церемонија која траеше неколку дена, е проценета на неверојатни 40 до 48 милиони евра (до 56 милиони долари), според гувернерот на регионот Венето, Лука Заја. Таа претставува една од најскапите приватни венчавки досега, илјада пати над просечната свадба во САД во 2025 година.
Фустан инспириран од Софија Лорен и 900 часа работа
Прочитај повеќе
Безос испраќа жени во вселената - што е со оние на Земјата?
Пред 8 Март, компаниите објавуваат инспиративни слогани за јакнење на женските права, организираат панели за женско лидерство...
08.03.2025
Кој ќе победи во трката до Месечината?
Компании на милијардери во битката за вселената го поддржуваат планот на НАСА за првпат по половина век да испрати астронаути на Месечината.
23.06.2024
Безос успешно му конкурира на Маск - ја лансира ракетата „Њу Глен“
Во орбитата на Земјата е лансирана ракетата „Њу Глен“ на американската вселенска компанија „Блу ориџин“. Тоа е најголемата ракета што компанијата на Џеф Безос ја прати во вселената.
16.01.2025
Лорен Санчез носеше венчаница на „Долче и Габана“ (Dolce & Gabbana), инспирирана од фустанот на Софија Лорен во филмот Houseboat од 1958 година. Креацијата содржи висок околувратник, рачно нанесена чипка и 180 свилени копчиња. Според списанието „Вог“ (Vogue), фустанот бил изработуван цели 900 часа. „Не само фустан – туку поезија“, напиша Санчез на Инстаграм, каде сега се претставува како Лорен Санчез Безос.
Листата на гости како црвен тепих
Преку венецијанските канали до церемонијата пристигнаа бројни ѕвезди: Опра Винфри, Ким Кардашијан, Иванка Трамп, Том Брејди, Бил Гејтс, Леонардо ди Каприо и кралицата Ранија од Јордан, меѓу другите. Приватни авиони и јахти ја преплавија Венеција, а папараците тргнаа во водена потера низ каналите.
Критики и протести: „Нема место за Безос“
И покрај гламурот, свадбата не беше без контроверзии. Околу десетина венецијански организации организираа протести под слоганот „Нема место за Безос“ (No Space for Bezos) — алузија на неговата компанија „Блу ориџин“ (Blue Origin) и неодамнешниот вселенски лет на Санчез. Активистите го обвинија Безос за промовирање на екстремно богатство во време на глобална нееднаквост, и го посочија влијанието на масовниот туризам врз квалитетот на живот во Венеција.
„Гринпис“ (Greenpeace) постави транспарент на Плоштадот Свети Марко и испрати кукла со ликот на Безос по Големиот канал — поставена врз кутија од „Амазон“, со лажни пари в раце — како симболичен протест против неплаќање на даноци и корпоративен капитализам.
Официјален став: Свадбата е „реклама за Италија“
Италијанските власти ја поздравија свадбата како економска и медиумска можност. „Социјалните мрежи ќе бидат полни со слики од фустанот и церемонијата,“ рече министерката за туризам Даниела Сантанке. „Ова е огромна бесплатна рекламна кампања за Венеција и Италија.“
Живот по „Амазон“
Безос, кој се повлече од функцијата извршен директор на „Амазон“ во 2021 година, сега се посветува на проекти како „Блу ориџин“, весникот „Вашингтон пост“ (The Washington Post) и филантропски иницијативи. Во интервју со Си-ен-ен (CNN) во 2022 година, заедно со Санчез, тој најави дека планира да донира поголем дел од своето богатство — кое денес изнесува 234 милијарди долари.
.webp){kind=icon}
Во моментов нема коментари за веста. Биди прв да коментира...