Новата медицинска серија „Пит“ („The Pitt“) на ХБО Макс (HBO Max) ја освои наградата „еми“ за најдобра драма, додека „Студиото“ („The Studio“) на Епл ТВ+ (Apple TV+) беше прогласена за најдобра комедија.
Компанијата „Ворнер Брос. Дискавери“ (Warner Bros. Discovery Inc.), сопственик на платформата ХБО Макс, забележа дополнителен успех откако Ноа Вајл ја освои наградата за најдобар актер во драмската серија за улогата во „Пит“. Џин Смарт ја освои наградата за најдобра актерка во комедија, додека Хана Ајнбиндер доби признание за најдобра споредна актерка за улогата во серијата „Хекс“ („Hacks“).
Стриминг-платформите во целина доминираа на годинашните доделувања на наградите „еми“, највисокото признание во ТВ-индустријата, потврдувајќи го трендот на премин на гледачите од кабелска телевизија и класично телевизиско емитување кон онлајн содржини. Церемонијата беше одржана во неделата во Лос Анџелес, а ја пренесуваа Си-би-ес (CBS) и Парамонт+ (Paramount+).
Прочитај повеќе
„К-поп ловци на демони“ на Нетфликс на врвот на боксофисот
Анимираниот мјузикл „К-поп ловци на демони“ на Нетфликс изненади со приходи од 20 милиони долари и глобален успех, надминувајќи го „Ред нотис“.
25.08.2025
Од „Павилјон“ до Дефо: Сараево слави филмска магија
СФФ од 15 до 22 август носи филмски премиери, почести за Вилем Дефо и модна еуфорија, додека Сараево бележи историски туристички раст.
13.08.2025
Интервју со Манчевски: Зошто „Збогум, Копакабано“ крена прашина уште пред да биде снимен?
На смешен и жален начин зборува за богати и сиромашни, за добри и лоши, за тоа како умираме и како се смееме, вели Милчо Манчевски за својот осми филм што моментално го снима дури на 32 локации низ и околу Скопје.
07.08.2025
Филмот „Ф1“ ги освои кината со заработка од 55,6 милиони долари
Најскапиот филмски проект во историјата на компанијата е клучен тест за стратегијата на Епл ТВ за влез во светот на блокбастерите на големиот екран.
01.07.2025
Одлична вечер имаше и платформата на „Епл“ (Apple Inc.), која годинава влезе во натпревар со најголем број номинации досега. Брит Лоуер беше прогласена за најдобра актерка во драма, додека Трамел Тилман ја доби наградата за најдобар спореден актер за улогата во научнофантастичната драма на „Епл“, „Северанс“ („Severance“). Сет Роген ја освои наградата за најдобар актер во комедија, како и наградата за сценарио за серијата „Студиото“.
Bloomberg
Серијата „Студиото“ („The Studio“), која ја следи приказната за невешт филмски извршен директор, кого го толкува Сет Роген, претставува едно од најголемите комични остварувања на „Епл“ уште од „Тед Ласо“ („Ted Lasso“). Роген од бината му се заблагодари на извршниот директор на „Епл“, Тим Кук.
Успех забележаа и други платформи. Серијата „Адолесцент“ („Adolescence“) на „Нетфликс“ (Netflix), која ја следи семејната драма околу син обвинет за убиство, освои награди за најдобра лимитирана серија, најдобро сценарио и најдобар актер.
Петнаесетгодишниот Овен Купер ја доби наградата за најдобар спореден актер.
.webp){kind=icon}
