Седум трикови за да добиете подобро хотелско сместување

Во повеќе градови, вклучително и Лондон и Њујорк, стана нормално новите хотели да наплаќаат почетни цени кои надминуваат 1.000 долари по ноќевање - а апартманите честопати чинат најмалку двојно повеќе. Ова ја прави бесплатната надградба на хотелското сместување една од највредните и најпосакуваните поволности за патување на денешницата.

Иако можете да направите одредени работи за да ги максимизирате шансите за надградба, може само да се надевате на бесплатна пропусница до пентхаус-апартманот бидејќи тоа нема да вроди со плод - освен ако не сте коцкар од висок ранг во казино во жариштето на Лас Вегас. Во хотелите со малку апартмани, надградбата може да значи подобар поглед или соба на повисок кат. Во други, подобрите категории соби може да значат добивање на неколку квадратни метри плус или дополнителни спални соби.

Еве седум работи што можете да ги направите за да ги зголемите вашите шанси за надградба на хотелското сместување. Можеме да ветиме дека тие функционираат, но не можеме да гарантираме што точно ќе ви донесат.

Прескокнете ја линијата за лојалност

Програмите за лојалност на авиокомпаниите и хотелите се дизајнирани да ве направат зависни по принципот на морков врзан за стап. Колку повисоко ниво статус на лојалност имате - или колку повеќе трошите кај одредена хотелска компанија - толку е поголема веројатноста да добиете надградба. Тоа никого нема да шокира.

Но, постои можност и за скратен пат до првото место на линијата на лојалност. Неколку кредитни картички нудат елитен хотелски статус во моментот кога вашата апликација е одобрена. „Хилтон  Хонорс Американ Експрес Аспјер Кард“  (Hilton Honors American Express Aspire Card) е кралска картичка во овој сегмент: доделува статус на највисоко „дијамантско ниво“ во замена за годишен надомест од 450 долари. Меѓу другите дарежливи картички се и„Платинум“ картичка од 695 долари годишно од „Американ Експрес“(American Express), која го проширува статусот на златно ниво кај „Мериот Бонвој“ (Marriott Bonvoy) и „Хилтон Хонорс“ - дарежлив двоен удар. Со 250 долари годишно, кредитните картички „Мериот Бонвој Беви“ (Marriott Bonvoy Bevy American Express) и „Мериот Бонвој Баоунтфил“ (Marriott Bonvoy Bountiful) се добри опции бидејќи и двете нудат автоматски златен статус. (Секогаш проверувајте дали на барањата за трошење испечатени со ситни букви кога аплицирате за нови картички)

Исто така, вреди да се напомене дека само една програма за лојалност целосно гарантира надградба на собите неколку пати годишно - дури и за членовите од највисокото ниво. „Ворлд оф Хајат“ (World of Hyatt) користи „сертификати за надградба“ како награди за постигнување одредени цели. Ќе добиете загарантирана надградба во соба на ниво на клуб, на пример, откако ќе престојувате 20 ноќевања или ќе заработите 35.000 основни поени со програмата и ќе добиете надградба во апартман по 50 ноќевања и 80.000 поени. Кај секоја друга голема компанија, надградбите се зависни од достапноста, наместо да се гарантираат.

Поврзете ги вашите сметки

Резервациите на хотели и авиокомпании често се прават рака под рака, така што има смисла нивните програми за лојалност да се поврзат и преку партнерства. Земете „Американ Ерлајнс“ (American Airlines) и „Хајат“ (Hyatt). Секој од нив дава реципрочни придобивки за лојалистите, така што членовите на елитата на„ЕјЕдвентиџ“(AАdvantage) можат да уживаат во придобивките од елитниот статус на „Ворлд оф Хајат“, вклучувајќи ги и надградбите на собите. „Јунајтед“ и „Мериот“ имаат партнерство наречено „Риворд Плус“ (RewardsPlus) кое на елитните членови им дава реципрочен статус во другата програма. По дефиниција, ова води до можности за надградба.

Лесно е да ги поврзете вашите сметки онлајн, иако понекогаш може да биде незгодно да се најде вистинското место за да го направите тоа. Пребарајте го партнерството што сте заинтересирани да го активирате, користејќи термини како „Јунајтед Мериот“ (United Marriott) или „ЕјЕдвентиџ Хајат“  и лесно ќе ја лоцирате страницата за најавување каде што внесувањето на генералиите, вашата авиокомпанија ќе ги синхронизира вашите сметки и ќе го препознае вашиот реципрочен статус за неколку секунди.

Резервирајте со советник за луксузни патувања

Многу хотелски брендови обезбедуваат стимулации за советници за луксузни патувања преку трговски програми како што „Мериот Старс“ (Marriott Stars) или „Хајат Приве“ (Hyatt Privé). Важно е да се забележи дека овие советници можеби не секогаш добиваат најниски стапки, но имаат тенденција да ги добиваат најдобрите вредности.  Тоа значи дека поволностите додадени на вашата резервација вредат многу повеќе од малата ознака што ја плаќате за тоа што не резервирате директно преку веб-страницата на хотелот (каде што, по правило, секогаш се достапни најевтините цени).

Во многу луксузни хотели, се соочувате со доплата од 50 до 100 долари по ноќевање кога резервирате стандардна соба кај туристички агент - бројките флуктуираат. Но, се додека просторот е достапен, гарантирано ви е надградба на собата за една категорија, појадок за двајца, доцна наплата и бенефит на лице место (често кредит за храна, пијалок или бања). Самиот појадок може да вреди 50 долари - а ВИП-третманот што доаѓа во замена за провизија од туристички агент може да направи да се чувствувате како крал. Најдобро од сè, овие цени речиси секогаш носат хотелски поени, нешто што е општо достапно само кога се резервира директно преку каналите на хотелот. 

Некои кредитни картички имаат пристап до стапките на „Мериот Старс“и „Хајат Приве“ без посредство на туристички агент. Картичките од највисокото ниво на „Американ Експерс“ можат да пристапат до програмата „Американ Експрес Фајн  Хотелс енд Ризортс“ (American Express Fine Hotels & Resorts). „Чејс“ (Chase) картичките нудат колекција на луксузни хотели и одморалишта. Разликата е во тоа што резервациите направени преку овие канали не секогаш носат поени за лојалност. Пред да резервирате, размислете дали оваа погодност вреди.

Избегнувајте онлајн туристички агенции

Онлајн туристичките агенции – како „Букинг“ (Booking.com), „Експедиа“ (Expedia) или „Орбитц“ (Orbitz) - имаат малку заедничко со вистинските туристички агенти. Една од најголемите разлики е маргините на провизијата што хотелите ги плаќаат на овие агенции за секоја резервација направена на нивните веб-локации, што го намалува уделот што го добиваат човечките агенти. Ова претставува толку значаен удар за крајните линии на хотелите што повеќето вработени од пред бирото признаваат дека гостите кои ги користат овие канали за резервации обично добиваат помалку пожелни соби - како што се оние што се свртени кон паркингот наместо кон плажата или собите во близина на бучната машина за мраз.

Ако резервирањето со човечки туристички агент ве подига поблиску до врвот на списокот за надградба, резервирањето преку онлајн агенциите е добар начин да завршите на дното. И нема да добиете хотелски поени за иден престој преку овие канали.

Јавете се однапред

Многу патници успеваат да се јават однапред и учтиво да побараат надградба - особено ако слават посебна пригода. Годишнините, родендените или специјалните семејни патувања му даваат можност на хотелот да ве импресионира со подароци за добредојде, па дури и со надградба, која ја продолжуваат кога е можно, со претпоставка дека е поголема веројатноста да ги споделите таквите прилики јавно. (Дури и ако се што добивате е шише шампањ, тоа е добра придобивка.)

Оваа стратегија добро функционираше за Џејми Ларунис, аналитичар на туристичката индустрија за блогот за патувања „Апгрејдет поинтс“ (UpgradedPoints.com.)

„Менаџерите на собите рачно ги сместуваат гостите во собите во хотелот и ако однапред се јавите на имотот можете да доставите какви било посебни барања или преференции“, објаснува тој. „Дури и ако хотелот не може да гарантира бесплатна надградба, повикот може да помогне, особено ако сте повторен гостин и запознаете некои од вработените во рецепцијата“.

Само не го злоупотребувајте системот. Хотелите нема нужно да следат колку често правите такви барања, но лажирањето за доброто на бесплатни плаќања ќе биде критикувано, доколку се открие.

Пристигнете во вистинско време

Сезоните се дополнително важен фактор кога одредувате дали вашите шанси за надградба се реални. Посета за време на празници или сезона на некоја дестинација? Надградбите тогаш се помалку веројатни; престојот во деловен хотел за време на викендот може да даде подобри резултати. Ако посетувате одморалиште, патувањето за време на ниската сезона или надвор од училишните одмори може да понуди подобра шанса.

Вашето време за пријавување исто така може да биде важно. Ако пристигнете рано во текот на денот, можеби хотелот има подобри соби за продажба или за надградба во готовина. Ако се пријавите во текот на вечерта, хотелот може да биде повеќе подготвен да понуди апартман наместо да го пушти да биде празен. Никогаш не боли да се насмевнеш и да прашаш.

Бидете љубезни (и флексибилни)

Како и со сите нешта во животот, малку љубезност може многу да помогне. Додека се пријавувате, прашајте го персоналот од пред бирото како им оди, изразете интерес за нивните работни места, па дури и побарајте локални препораки пред да побарате надградба.

Да се биде флексибилен е најважно. Ако сте резервирале за кралски кревет, но сте спремни да земете одвоени кревети наместо тоа, може да ви биде полесно да постигнете надградба. Истото важи и за откажување од одреден поглед, ако подобар тип на соба е повеќе важен.

Вработените во хотелот потврдуваат дека е вообичаено компјутерскиот систем да им дава приоритет на елитните членови за подобност за надградба. Сепак, тие би можеле да се потрудат за пријателски гостин на кој му недостасува статус. Обидот за потплатување со готовина е веројатно дека ќе го навреди персоналот исто колку што може да го привлече; ова е рута што не ја препорачуваме. Златното правило да се однесувате со другите како што би сакале да се однесуваат кон вас е секогаш најбезбедно.