Луксузните оази на Хвар: Ѕирнете во петте најдобри хотели

Еклектичен, динамичен и уникатен, Хвар е луксузен остров каде што културата и начинот на живот се спојуваат на кратко растојание, од прекрасни ридови со расфрлани лозја и камени ѕидови до сончеви плажи.

Хвар нуди и многу луксузни хотели, а летото е вистинско време за одмор во еден од нив. Проверивме на „Букинг“ (Booking) што крие најдолгиот хрватски остров и избравме недела во јули за две лица. Ви даваме преглед на најлуксузното сместување што може да го понуди Хвар во последен момент.

„Маслина ресорт“ во стариот град

„Маслина ресорт“ (Maslina resort) се наоѓа во стариот град, на 1,2 километри од Лантерна, и нуди сместување со бесплатни велосипеди, бесплатен приватен паркинг, сезонски надворешен базен и фитнес-центар.

Booking.com

Собата од 43 квадрати има прекрасен поглед на морето, а во цената е вклучен и појадок „а ла карт“ . „Маслина ресорт“ има ресторан што служи медитеранска кујна.

Цена за шест ноќевања: 8.446 евра

 

„Валамар Амикор грин ресорт“

„Валамар Амикор грин ресорт“ (Valamar Amicor Green Resort) се наоѓа во стариот град и нуди сместување со градина, бесплатен сопствен паркинг, тераса и ресторан. Покрај семејните соби, овој објект на своите гости им нуди и надворешен базен.

Booking.com

Сите сместувачки единици во хотелот содржат простор за седење, телевизор со рамен екран со сателитски канали и приватна бања со бесплатен козметички прибор и туш. Појадок на база на шведска маса е достапен секој ден.

Цена за шест ноќевања: 3.956 евра

 

„Лабранда сенсес ресорт“

„Лабранда сенсес ресорт“ (Labranda Senses Resort) се наоѓа во затскриен и пошумен залив на само 20 метри од Јадранско Море. Оваа оаза на луксуз се наоѓа во Врбоска, сите соби имаат балкон и простор за седење со телевизор со рамен екран со сателитски канали, работна маса и сеф.

Booking.com

Во ресортот гостите ќе најдат базен, спа и велнес-центар, фитнес и нуркачки капацитети.

Цена за шест ноќевања: 3.953 евра

 

Хотел „Подстине“

Хотелот „Подстине“ (Podstine) се наоѓа во тивок и затскриен залив со приватна плажа, опкружена со палми и борова шума, и нуди спа и велнес-центар и отворен базен. Ресторанот во рамките на објектот нуди вкусни оброци, а гостите можат да се релаксираат во барот со поглед на островите Паклени.

Booking.com

Овој елегантен хотел е на 15 минути пешачење од центарот на Хвар и нуди климатизирани соби со сателитска ТВ, мини-бар и бесплатни тоалети. Собите од 22 квадрати имаат балкони со поглед на море, а појадокот е вклучен во цената.

Цена за шест ноќевања: 3.220 евра

 

„Хвар плејсес хотел бај Валамар“

Хотелот „Хвар плејсес хотел бај Валамар“ (Hvar places hotel by Valamar) се наоѓа на самото шеталиште покрај плажата, на само 50 метри од морето, опкружен е со богата борова шума и има надворешен базен и тениски игралишта. Тој е на само пет минути возење со брод од центарот на стариот град. Собите имаат по17 квадрати, со прекрасен поглед на морето.

Booking.com

Гостите можат да уживаат во богат појадок на база на шведска маса. До базенот има бар со тераса, како и бесплатни лежалки и чадори што ги повикуваат гостите да се релаксираат.

Цена за шест ноќевања: 1.858 евра