Истражување на PwC: Вештачката интелигенција има потенцијал да донесе раст како индустриската револуција

Новото глобално истражување на „Прајсвотехаускуперс“ (PricewaterhouseCoopers – PwC), покажува дека во следната деценија вештачката интелигенција има потенцијал да ја зголеми глобалната економска активност до 15 процентни поени.

„Ова би ги зголемило годишните стапки на раст за дополнителен процентен поен, ниво на забрзување последен пат забележано за време на индустријализацијата во 19 век“, информираат од компанијата.

Извештајот „Вредност во движење“ (Value in Motion) се темели на анализа на сценарио базирано на податоци кое покажува дека придобивките од глобалниот раст кои можат да произлезат од примената на апликациите базирани на вештачка интелигенција не можат да бидат гарантирани.

„Тоа не зависи само од техничките перформанси, туку и од одговорното спроведување, јасното управување и довербата од јавноста и организациите. Во други сценарија анализирани од страна на PwC, а кои вклучуваат помала доверба и ограничена соработка, дополнителниот економски стимул од примената на ВИ би бил помал, околу 8 проценти или само 1 процент во песимистичкото сценарио“, наведуваат од компанијата.

Истражувањето покажува дека брза реконфигурација на економијата веќе е во тек. Притисокот врз компаниите да ги трансформираат своите бизниси е на едно од највисоките нивоа во последните 25 години, во 17 од 22 глобални сектори.

„Само во 2025 година, 7,1 трилиони долари приходи се очекува да бидат распределени помеѓу компаниите во овие сектори, дури и пред да се земе предвид неодамнешното глобално зголемување на царините“, велат од компанијата.

Истражувањето на PwC покажува дека во текот на следната деценија, секторите ќе се приспособат на променливите човечки потреби, создавајќи нови „домени“ кои одат надвор од границите на традиционалните сектори. На пример, порастот на електричните возила ги обединува снабдувачите на електрична енергија, производителите на батерии, технолошките компании и други во рамките на доменот на мобилноста, овозможувајќи создавање на вредност во соработка со производителите на автомобили.

Мирослав Марчев, управувачки партнер за „PwC Македонија“ вели дека најновото истражување го открива потенцијалот на ВИ да го зголеми глобалниот економски раст до 15 проценти до 2035 година, слично на влијанието на индустриската револуција.

„Сепак, климатските ризици би можеле да го намалат овој раст за речиси 7 проценти. ‚PwC Македонија‘ е посветена на потикнување на организациите да ја искористат ВИ во претпријатијата, поттикнување на меѓуиндустриски соработки и освежување на нашиот бренд за подобра поддршка на клиентите. Како што индустриите се развиваат надвор од традиционалните граници, ‚PwC Македонија‘ ги води бизнисите да ги искористат можностите водени од ВИ и да поттикнат одржлив раст“, вели Марчев.

Имено, зголеменото усвојување на ВИ се очекува да ја зголеми потрошувачката на енергија во податочните центри.

„Сепак, ако ВИ се користи на начин кој ја подобрува енергетската ефикасност, тоа ќе го ублажи ова зголемување на потрошувачката на енергија. PwC проценува дека вкупната потрошувачка на енергија и влијанието на емисиите од употребата на ВИ би биле неутрални ако секое зголемување од 1 процент во нејзината употреба доведе до иновации кои ќе го намалат енергетскиот интензитет за само 0,1 процент“, велат од компанијата.

Оттаму додаваат дека како што технологијата и другите мегатрендови продолжуваат да ја обликуваат економијата, PwC открива низа на иницијативи за да им помогне на клиентите да го реализираат целосниот потенцијал на ВИ апликациите низ организацијата. Пример за една од нив е агентскиот оперативен систем на PwC кој овозможува структурна промена во начинот на кој компаниите можат да ја распоредат ВИ во целосен размер, беспрекорно интегрирајќи интелигентни агенти во бизнис процесите, до 10 пати побрзо од традиционалните методи.

„Покрај тоа што го нуди ова решение на клиентите, мрежата на PwC исто така го користи и во своите процеси, со стотици ВИ агенти распоредени за специфични задачи, интегрирани во бизнис процесите за да се подобри продуктивноста во обезбедувањето на даночно советување, ревизија и бизнис советодавни услуги на клиентите“, велат од компанијата.

Истовремено, десетици илјади вработени во PwC учествуваат во редовно ажурирани програми за обука секој месец преку „PwC Network AI Academy“. До денес, 291.000 партнери и вработени на PwC од целиот свет веќе учествувале во структурирана обука за примена на ВИ.

Во моментов нема коментари за веста. Биди прв да коментира...

Остави коментар