.webp){kind=icon}
„Тесла“ и најголемите кинески производители на електрични возила, вклучувајќи го и БИД (BYD), ветија дека ќе ја одржат фер конкуренцијата и ќе избегнат „ненормални цени“ на најголемиот светски пазар на електрични возила. Тоа би можело да биде знак за можен крај на ценовната војна што ја зафати индустријата годинава. На кинескиот автофорум одржан во Шангај директорите на 16 производители на автомобили ветија дека ќе ги исполнат четирите точки од необврзувачкиот договор.
„Тесла“ започна војна со цените кон крајот на минатата година, што ги натера другите големи брендови да даваат големи попусти на автомобилите во почетокот на 2023 година, за да привлечат купувачи, бидејќи продажбата беше забавена. „Тесла“ на Илон Маск и БИД (BYD) беа во првите редови на битката, намалувајќи ги цените во просек за 6 отсто во првите шест месеци од годинава. Некои модели направени во фабриката „Тесла“ беа за 14 отсто поевтини отколку во 2022 година. Намалувањето на цените налути дел од клиентите што веќе купиле возила по повисока цена.
Bloomberg Mercury
По пандемијата на ковид, побарувачката за автомобили се намали, а тоа влијаеше врз автомобилската индустрија, со што големите резерви го отворија патот цените да се намалуваат.
Детали од необврзувачкиот договор:
1. Прочитајте ги правилата и прописите на индустријата, регулирајте ги маркетинг-активностите, одржувајте фер конкуренција и не попречувајте ја фер конкуренцијата со нереални цени.
2. Обрнете внимание на методите на маркетинг и рекламирање, не претерувајте и не користете лажен публицитет за да привлечете внимание или да привлечете нови клиенти.
3. Ставете го квалитетот на прво место, подобрете го животот со висококвалитетни производи и услуги.
4. Активно исполнувајте ги општествените одговорности и преземете ја тешката одговорност за одржување стабилен раст, зајакнување на довербата и спречување на ризиците.
На форумот беа вклучени и други производители на автомобили, меѓу кои „Нио“ (Nio) „Хпенг“ (Xpeng)„Гели“(Geely) и „Шери аутомобиле“ (Chery Automobile), „ФАВ груп“ (FAW Group), „ГАЦ груп“ (GAC Group) и „Ли ауто“ (Li Auto).
