.webp){kind=icon}
Поранешниот извршен директор на „Тесла“ (Tesla) Мартин Еберхард вели дека е штета што американскиот производител ја отфрлил идејата за „евтин автомобил“, со оглед на тоа што намалувањето на цените е клучно за спроведување на таа идеја.
Потсетуваме дека на почетокот на 2024 година „Тесла“ објави дека кон средината на 2025 година сака да започне со производство на „достапен“ електричен автомобил под кодното име „редвуд“ (redwood). Инаку, сопственикот на компанијата Илон Маск беше првиот на пазарот што зборуваше за електричен автомобил од 25.000 долари во 2020 година, но подоцна ја отфрли идејата.
Во моментов се случува нешто спротивно од претходните планови. На 1 април годинава „Тесла“ ја зголеми цената на својот најпопуларен спортски автомобил „модел уај“ (Model Y). Во исто време ривалите од Кина ги намалуваат цените на своите возила, како одговор на сè повеќето „играчи“ на пазарот, кои се натпреваруваат во однос понудата.
Прочитај повеќе
„Тесла“ покажа слабост во Кина и ги разочара светските инвеститори
„Тесла“ ги разочара инвеститорите на глобално ниво, со испораки на возила во првиот квартал далеку под очекувањата.
03.04.2024
Волстрит загрижен за продажбите на „Тесла“, процените паѓаат
Компанијата „Тесла“ можеби е на пат кон мрачна пресвртница бидејќи намалената побарувачка и високите каматни стапки влијаат на продажбата.
02.04.2024
БМВ откри нов модел на електричен автомобил, кој им конкурира на „тесла“ и на „мерцедес“
Патничката верзија на „вижн ное класе X“ ќе започне да се произведува следната година.
06.04.2024
Еберхард, кој беше соосновач на „Тесла“, тогаш познат како „Тесла моторс“, заедно со Марк Тарпенинг во 2003 година, беше прв извршен директор на компанијата до крајот на 2007 година.
„Неодамна прочитав дека 'Тесла' го отфрли 'модел 2', својот поевтин автомобил, бидејќи не мисли дека може да се натпреварува со поевтините кинески автомобили“, изјави Еберхард за ТВ „Блумберг“. „Штета, можеби треба да ја преиспитаат таа одлука. Се чини дека 'модел 2' е подобра опција за пазарот од оној огромен камион што го прават“.
Еберхард исто така рече дека „Тојота“ (Toyota Motor Corp.) доцни со влезот на пазарот за електрични возила, што за него е изненадувачки. Тој изјави и дека со децении ја следи кинеската автомобилска компанија БЈД (BYD).
БЈД има голем асортиман на електрични возила, од популарниот хечбек „сигал“ (seagull), кој се продава за 69.800 јуани, или помалку од 10.000 долари, до суперавтомобилот „јангванг“ (yangwang), кој чини 1,68 милион јуани.
Повеќе детали прочитајте во текстот на Bloomberg.
