„Полигон лабс“ (Polygon Labs), водечкиот провајдер на мрежата Ethereum layer 2, влезе во интересно партнерство со медиумскиот гигант „Фокс њуз“ (Fox News) за да ја претстави Верифај (Verify), технолошка платформа што се очекува да го преобликува медиумскиот пејзаж по напливот на содржина генерирана од вештачка интелигенција.
Верифај носи надеж во битката за автентичноста на содржината, нудејќи им на корисниците можност да го одредат вистинското потекло на медиумските содржини во време во кое доминира вештачката интелигенција.
Во време кога виртуелниот свет е сведок на невидена распространетост на текстови и слики генерирани од вештачка интелигенција, Верифај треба да биде моќна алатка за разликување на содржината создадена од луѓе од онаа создадена од компјутерски алгоритми. За разлика од традиционалните алатки за проверка на факти, Верифај не ја анализира точноста на самата содржина, туку се фокусира исклучиво на потврдување на нејзиното потекло.
Овој технолошки изум доаѓа во клучно време за медиумите, кои се соочуваат со предизвици со цитирање и проблеми со авторските права. Соработката меѓу „Полигон“ и „Фокс“ добива дополнително значење во светлината на правните битки на медиумските куќи. „Фокс њуз“ е вмешан во правна битка со „Смартматик“ (Smartmatic) за лажни наративи што кружат околу претседателските избори во САД во 2020 година. Дополнително, огромната отштета од 787 милиони долари што „Фокс њуз“ се согласи да му ја плати на „Доминион воутинг“ (Dominion Voting Systems) во април 2023 година за да избегне судење по тврдењата дека промовирала невистини за претседателските избори во 2020 година е остар потсетник за потенцијалните правни замки поврзани со дистрибуција на непроверена или лажна содржина.
Правните компликации околу содржината генерирана од вештачка интелигенција достигнаа ново ниво, што се илустрира преку тужбата поднесена во декември 2023 година од „Њујорк тајмс“ против „Опен еј-ај“ (OpenAI) и „Мајкрософт“ (Microsoft). Тужбата, заснована на неовластена употреба на содржини од „Њујорк тајмс“ за обука на четботови, ги истакнува предизвиците со кои се соочуваат медиумите при навигацијата низ немирните води на содржини генерирани од вештачка интелигенција.
.webp){kind=icon}
