text size
„Епл“ (Apple) настојува да додаде повеќе способности за вештачка интелигенција и е при крај со комплетирањето клучна нова софтверска алатка за развивачите на апликации што ќе ја засили конкуренцијата со „Мајкрософт“ (Microsoft Corp).
Компанијата работеше на алатката минатата година, како дел од следната голема верзија на Екскод (Xcode), водечкиот програмски софтвер на „Епл“. Сега го прошири внатрешното тестирање на функциите и го засили развојот пред да им го објави планот на производителите на софтвер од трети страни уште годинава, според упатени извори.
Новиот систем ќе работи слично како Гитхаб копилот (GitHub Copilot) на „Мајкрософт“ и ќе користи вештачка интелигенција за предвидување и комплетирање блокови од кодови, велат изворите, кои побараа да не бидат идентификувани бидејќи плановите се приватни. Тоа го поедноставува процесот на програмирање за развој на софтвер, потенцијално заштедувајќи време и пари.
Прочитај повеќе
Кинески производител на очила за проширена реалност го предизвикува „Епл“
Кинескиот производител „Ексрил“ сака да отвори патека за проширената реалност.
29.01.2024
„Епл“ ќе ги менува функциите на ајфоните под притисок на ЕУ
„Eпл“ започнува со историска ревизија на своите понуди на иос, Сафари и Еп стор во Европската Унија.
26.01.2024
Досегашниот шеф за дизајн во „Епл“ ќе работи со Сем Алтман на уреди со ВИ
Легендарниот дизајнер Џони Ајв и Сем Алтман од „Опен еј-ај“ бараат ветеран од „Епл“ да работи на нов хардверски проект за вештачка интелигенција.
27.12.2023
„Епл“ исто така ја истражува употребата на вештачка интелигенција за да генерира код за тестирање апликации, што честопати е здодевен процес. Во моментов „Епл“ притиска некои инженери да ги испробаат овие нови функции за вештачка интелигенција внатрешно како дел од напорот за „проверка“ - кога компанијата користи свои производи - за да се увери дека тие работат правилно пред да ги направи достапни за надворешни програмери.
Потезите се дел од поголемиот продор кон генеративна вештачка интелигенција и големи јазични модели, технологија што стои зад популарните четботови, како Чет ГПТ (ChatGPT). „Епл“ е во трка со конкурентите на овој растечки пазар, но вети дека ќе ги обелодени своите планови за вештачка интелигенција во текот на годинава. Таа најава може да дојде веќе во јуни, кога компанијата ќе ја одржи својата годишна конференција за програмери.
Акциите на „Епл“, кои паднаа за 1,5 отсто, накратко станаа позитивни по вестите. Тие беа малку променети на затворањето во четвртокот, тргувајќи се по 183,86 долари. „Мајкрософт“ падна за помалку од 1 отсто, на 406,56 долари.
Портпаролот на „Епл“ одби да ги коментира плановите.
Следните ажурирања на софтверот за ајфони и ајпади - iOS и iPadOS 18 - ќе вклучуваат голем број нови функции за вештачка интелигенција, според лица запознаени со ситуацијата. Компанијата планира да го промовира софтверот, со работно име Кристал (Crystal), како едно од најзначајните ажурирања во 16-годишната историја на ајфон.
Исто така, таа планира да донесе некои функции за вештачка интелигенција на следната верзија на macOS, со кодно име Глоу (Glow). Сепак, „Епл“ има цел да преземе постепен пристап кон развојот на вештачката интелигенција, при што некои функции со години нема да бидат достапни за широката јавност.
.webp){kind=icon}
