Истражувачка група за полупроводници поддржана од јапонската влада ќе се здружи со американскиот стартап „Тенсторент“ (Tenstorrent) за да го дизајнира својот прв напреден чип за вештачка интелигенција.
„Тенсторент“, предводен од „Тесла“ и ветеранот на „Епл“, Џим Келер, ќе го лиценцира својот дизајн за дел од јапонскиот акцелератор за вештачка интелигенција, а исто така ќе го дизајнира целиот чип, соопшти американската компанија на заеднички настан во Токио во вторникот. Работејќи со стандардот РИСЦ-В (RISC-V) со отворен код, „Тенсторент“ има цел да им обезбеди на клиентите алтернатива на лидерите во индустријата „Енвидија“ и „Арм холдинг“, кои имаат свои таканаречени хардверско-софтверски комуникациски комплети со инструкции.
Јапонската влада финансира низа проекти, од истражување до напредно производство на чипови, правејќи амбициозна понуда од 67 милијарди долари за да ја врати централната улога во индустријата за полупроводници. Договорот со „Тенсторент“ има потенцијал да ги унапреди тие напори за производство на заеднички дизајнирани чипови со вештачка интелигенција во стартапот „Рапидус“. „Се надеваме дека со компанијата ’Тенсторент’ ќе лансираме акцелератори за вештачка интелигенција што е можно поскоро“, изјави извршниот директор Ацујоши Коике.
Depositphotos
Осумнаесетмесечната компанија има цел да започне со производство на чипови во 2027 година и може да стане сериозен конкурент на водечките компании „Тајван семикодуктор“ и „Самсунг“. Но, на „Рапидус“ ќе му требаат клиенти и тимот на Келер гледа дека Јапонија работи на обезбедување понуда и побарувачка.
„Она што го прави Јапонија е тоа што тие препознаваат дека не можете само да изградите фабрика и да се надевате“, рече во интервјуто Дејвид Бенет, главен клиент на „Тенсторент“. „Значи, тие прават големи инвестиции за да се осигурат дека ќе ја полнат оваа фабрика“.
Бенет рече дека „Тенсторент“ има стотина милиони долари бизнис во Јапонија и тесно соработува со јапонската влада и корпорации. Неговата компанија моментално има 400 вработени низ САД, Канада, Србија, Индија, Јужна Кореја и Јапонија. „Тенсторент“ е исто така во близок контакт со американската влада за да се осигури дека е целосно усогласена со технолошките контроли на Вашингтон за извоз.
Во Јапонија компанијата ќе работи на дизајни на чипови за вештачка интелигенција со владината истражувачка група позната како Водечки центар за технологија за полупроводници.
.webp){kind=icon}
