Виена повторно ќе биде центар на стартап-светот од 3 до 9 јуни, каде што ќе се одржи иновативниот Виена УП 2024 (ViennaUP 2024). Бизнис-секторот го обликува светот, а стартап-заедницата е главен извор на нови идеи. Со заземање вистински пристап од самиот почеток, компаниите ги зголемуваат своите шанси за успех во развојот на одржливи идеи - со големи придобивки за светот во целина.
На Виена УП, стартап-фестивалот инициран пред четири години од Виенската бизнис-агенција, стартапите имаат можност да ги претстават најдобрите идеи за зачувување на планетата, да запознаат потенцијални инвеститори и деловни партнери и да ги инспирираат другите да заземат климатски пристап кон бизнисот.
„Без приватниот сектор, светот едноставно не може да ја избегне климатската криза“, вели Герхард Хирци, генерален директор на Виенската бизнис-агенција, за „Блумберг Адрија“. Градот Виена има јасна стратегија за паметен град во однос на климата, а целта му е да постигне климатска неутралност до 2040 година. Тој наведува дека „идеите, енергијата и луѓето на Виена УП се клучни во помагањето за постигнување на овие цели“.
„Стартапите се меѓу најважните играчи во овој процес“, вели Хирци. „Кој подобро знае кои иновации ќе ги револуционизираат енергијата, мобилноста или која било друга индустрија?“
Promo
Одржливост, два начина
Одржливоста е сериозен бизнис на два начина. Прво, постојат сѐ поголем број правила и прописи поврзани со заштитата на климата, како и зголемен број барања од потрошувачите за компаниите да станат зелени - а компаниите од сите големини мора брзо да се приспособат на оваа нова реалност за да преживеат.
Во исто време новата регулаторна рамка и почетната културна промена исто така создаваат сериозни деловни можности - на светот итно му се потребни скалабилни нови идеи и технологии што ни овозможуваат да ја заштитиме животната средина за идните генерации, а истовремено да го одржиме нашиот животен стандард.
Влезете во стартап-фестивалот Виена УП, каде што одржливоста зазема централно место меѓу моќната група меѓународни иноватори и инвеститори што сакаат да овозможат зелена трансформација и да развијат одржливи технологии.
Изданието ќе се најде на сцената на големите настани, како што се „Импакт дејс“ (Impact days), самитот „Смарт сити“ (Smart City Summit), самитот „Инсајдаут“ (INSIDEOUT Summit), „Лид тудеј. Шејп тумороу.“ (Lead Today. Shape Tomorrow.), „1 милион стартапс“ (1MillionStartups), или на голем број работилници и експертски дискусии на теми што се движат од вештачка интелигенција до отпорност на кризи, известување за одржливост и друго. Културната и технолошката сцена, каде што се создава голема инспирација за остатокот од економијата, исто така ја движи агендата, како што се гледа од „Криејтив дејс“ (Creative Days), кои ќе се осврнат на климата и иновациите од неколку неконвенционални агли засновани на дизајн.
Предизвици на макро и микронивоа
Како може реално да поставиме цели за одржливост на макрониво за нивното постигнување да биде остварливо, а на микрониво компаниите да не се соочат со невозможни регулативи? Одговорот на Хирци е интригантен. Тој вели дека компаниите се соочуваат со промени во правилата на различни нивоа, како и со промена на очекувањата на клиентите. Во исто време самите климатски промени и деградација на животната средина ќе влијаат и веќе имаат влијание врз синџирот на снабдување и деловните модели во многу места и индустрии.
Затоа компаниите имаат вистински поттик да ги предвидат овие промени така што ќе вклучат планирање за одржливост уште од самиот почеток додека развиваат бизнис-модели или нови производи, нешто што Виенската бизнис-агенција експлицитно го поттикнува во своите стручни консултации, обуки и програми за финансирање, нагласува Хирци. „Планирањето на одржливоста повеќе не е само пожелно да се има или маркетиншки трик. Тоа е фундаментално!“
Усогласувањето на традиционалните деловни цели со одржливите деловни цели е една од најважните теми на Виена УП, нишка што е проткаена низ многу настани и дискусии – одразувајќи ги релевантноста и важноста на прашањето.
Помирување на планетата и профитот
„Верувам дека во долгорочниот план ќе видиме зголемено усогласување помеѓу традиционалните и одржливите деловни цели. За да го зачуваат профитот, компаниите мора да ја зачуваат планетата, изворот на најголемиот дел од нашите ресурси, и мора да ги заштитат луѓето што го сочинуваат пазарот. А всушност повеќето компании сакаат да инвестираат во чисти, зелени технологии и пристапи“, вели нашиот соговорник, додавајќи дека предизвикот лежи во фактот што за голем број, особено за помалите компании, многу од денешните решенија се претешки, прескапи или и двете.
Прашањето не е дали ќе ги усогласиме традиционалните и одржливите деловни цели, туку како да се направи тоа побрзо и поефикасно – а на Виена УП организаторот ќе собере многу стартапи, инвеститори и експерти што ќе се занимаваат токму со таа тема.
Виенската бизнис-агенција се стреми да ги зајакне зелените стартапи и деловните пристапи преку Виенскиот фонд за планетата (Vienna Planet Fund) – можност за стартапите со револуционерни еколошки пронајдоци и пристапи да добијат средства. Можат да аплицираат луѓе од каде било во светот, под услов својот проект да го реализираат во Виена.
Виенскиот фонд за планетата нуди до 250.000 евра по проект, со цел да им овозможи на брилијантните идеи да го направат првиот чекор кон постигнување одржливи деловни модели. „Таквата поддршка поттикнува акција и создава еднакви услови, обезбедувајќи средства за претворање на одличните идеи во вистински резултат“, вели Хирци.
Дознајте повеќе за фестивалот на ViennaUP 2024 | The Startup Festival
.webp){kind=icon}
