Довербата на јавноста во Банката на Англија падна на рекордно ниско ниво поради кризата со трошоците за живот и зголемените каматни стапки, покажува истражувањето на централната банка за ставовите на домаќинствата.
Двајца од пет Британци, 40 отсто, сметаат дека банката не се справува добро со инфлацијата, за разлика од 34 отсто во мај. Само 19 отсто се задоволни. Нето рејтингот на незадоволството во август изнесуваше минус 21 отсто во август, за разлика од мај кога беше минус 13 отсто. Овој рејтинг е најлош откако банката почна да ги собира овие податоци во 1999 година.
Кварталното истражување за ставовите за инфлацијата меѓу 16-75-годишниците од „Ипсос“ сугерира дека централната банка ја изгубила довербата на јавноста откако го спроведе својот најагресивен циклус на зголемување на стапките во последните децении, во обид да ги скроти зголемените цени.
Bloomberg
Наодите се исто така лоша вест за премиерот Риши Сунак, кој се соочува со можна рецесија и значителни дополнителни покачувања на цените во пресрет на општите избори кои се очекуваат следната година. Неговата Конзервативна партија продолжува да заостанува зад лабуристичката опозиција со двоцифрена бројка во анкетите.
Креаторите на политиката предводени од гувернерот на Банката на Ангија, Ендрју Бејли веќе се префрлија на решавање на проблемот, повикувајќи го поранешниот претседател на американската централна банка Бен Бернанке да го разгледа моделот на прогнозирање и комуникација на централната банка на Обединетото Кралство. Официјални лица од деветчлената Комисија за монетарна политика, исто така, се вратија од летен одмор и појасно најавија каде ќе се движат стапките, а информираа и за одлуките што мора да ги донесат.
Најмалку уште едно зголемување на стапките е веројатно веќе следната недела.
Bloomberg
Потрошувачите веруваат дека цените ќе бидат повисоки подолго отколку пред три месеци, според истражувањето на Банката. Инфлациските очекувања за следната година се зголемија од 3,5 на 3,6 отсто, а за две години од 2,6 на 2,8 отсто. Иако бројката за следната година е намалена од дури 4,9 отсто пред една година, таа сè уште е далеку над целта од 2 отсто.
Креаторите на политиката предводени од гувернерот Ендрју Бејли внимателно ги следат инфлациските очекувања за да утврдат колку треба да ги зголемат каматните стапки за да спречат ценовна спирала.
Економијата покажува знаци на свиткување под притисокот на повисоките каматни стапки, со пораст на невработеноста и намалување на бруто домашниот производ во јули.
Инфлацијата на почетокот на годината беше двоцифрена, далеку над европскиот и американскиот просек, но се приближи до нивото од 6,8 отсто. Ова дојде со повисоки трошоци за задолжување.
Банката на Англија ги зголеми стапките на 5,25 отсто, највисоко во последните 15 години. Тие се очекува да се зголемат на 5,5 отсто следната недела, но би можеле да запрат тука.
Речиси две третини од испитаниците, 63 отсто од нив, очекуваат дополнително зголемување на каматните стапки во наредната година.
.webp){kind=icon}
