text size
Доколку барате нова работа, со најголема конкуренција ќе се соочите на Блискиот Исток и во технолошките центри во Калифорнија.
Доха, Дубаи и Сан Франциско се меѓу градовите кои имаат најголем број апликанти по објавено работно место на „Линкдин“ (LinkedIn) во февруари, според студијата на онлајн креаторот на СВ-а, „Резиме“ (Resume.io). За да го создаде своето рангирање, компанијата следела 130 глобални центри и секоја сојузна американска држава и набљудувала колку апликации биле поднесени за позиции во првата недела откако биле огласени.
Најконкурентните пазари на труд во светот | Овие градови имаат најмногу кандидати на огласите за работа на „Линкдин“
Bloomberg
Доминацијата на Катар на листата веројатно е поврзана со организацијата на Светското првенство минатата година. Од 2010 година, земјата потроши повеќе од 250 милијарди долари како дел од подготовките, меѓудругото, изградба на речиси 100 нови хотели, проширување на пристаништето и аеродромот и реновирање на патишта.
Иако турнирот ги стави работните практики во земјата во центарот на вниманието, што доведе до широки критики за нејзиниот третман кон работниците мигранти, Катар останува магнет за оние кои бараат работа. Просечно работно место таму, во февруари добило 399 апликации за кандидати, според студијата на „Резиме“. Катар воведе универзална минимална плата поради гневот на работниците за Светското првенство и не го оданочува личниот доход, што го прави релативно профитабилно место за работа.
Работниците во Дубаи и Абу Даби, кои се меѓу најконкурентните пазари на трудот, исто така не плаќаат данок на доход. Некои позиции кои го поттикнуваат пазарот на труд по пандемијата во ОАЕ вклучуваат специјализирани медицински улоги и хонорарна работа со дигитална содржина, според податоците на „Линкдин“.
Американски градови рангирани според конкурентноста на пазарот на трудот
Bloomberg
Највисоко рангираните градови во САД се наоѓаат во северниот дел на Калифорнија. Сан Хозе, познат како срцето на Силициумската долина, во февруари на „Линкдин“ имал 108 апликанти по оглас за работа, додека Сан Франциско имал 92 кандидати, според „Резиме“. И двете локации имаат релативно високи просечни плати, но се и меѓу најскапите места за живеење во светот.
Неодамна, имаше големи отпуштања во технолошките гиганти, како „Мета“ (Meta Platforms Inc.) и „Гугл“ (Google), што резултираа со презаситеност за технолошки таленти кои немаа каде да одат, додека замрзнувањето на вработувањата во индустријата ја намалува фреквенцијата на отварање на нови работни позиции.
Другите големи градови во САД беа конкурентни, иако не влегоа во првите 10. Њујорк, кој сè уште се бори со понудата за работа, имаше нешто повеќе од 80 кандидати по оглас, а Чикаго имаше околу 50 по објава на „Линкдин“, според „Резиме“.
.webp){kind=icon}
