.webp){kind=icon}
„Епл“ и „Амазон“ се соочени со тужба за создавање незаконски договор за зголемување на цените на ајфон и ајпад, на тој начин што ги елиминирале третите трговци, кои често нуделе големи попусти.
Потрошувачот Стивен Флојд вели дека поради таквиот незаконски договор меѓу двете компании бил принуден да плати 319,99 долари за ајпад, кој можел да го добие со попуст на нормалниот конкурентски пазар, пишува во заедничката тужба поднесена во Сојузниот суд во Сиетл.
Тужбата доаѓа во моменти кога „Амазон“ се соочува со антимонополски надзор од државата и регулаторот поради политиката што вклучува трети трговци. Калифорнија го тужеше „Амазон“ во септември, наведувајќи дека компанијата ги принудува трговците да се согласат со политиката што доведува до значајно повисоки цени за потрошувачите. „Амазон“ ја негира вината во тој случај.
„Епл“ му забрани на „Амазон“ да врши директна продажба на некои од неговите производи што се продаваат брзо, зашто не му се допаѓа конкуренцијата од препродавачите на пазарот, принудувајќи ги компаниите за е-трговија да купуваат производи на „Епл“ по повисоки цени од други места, пишува Флојд во својата тужба. Но компанијата во 2018 година постигна договор да исклучи околу 600 трговци од страницата на „Амазон“, стои во тужбата.
„Во замена за елиминацијата на препродавачите на ’Епл’, кои ги спуштаа онлајн цените за неговите производи, компанијата се согласи да му понуди испорака на „Амазон“ со 10 проценти попуст, во зависност од неговата способност да ги задржи вклучените продавачи надвор од пазарот на компанијата“, рече Флојд.
Тоа ги повреди потрошувачите и третите трговци, се наведува во тужбата, во која се бара отштета за сите потрошувачи што се оштетени од ваквото однесување на компаниите.
„Епл“ и „Амазон“ не одговорија веднаш на барањата за коментар.
„Епл“ во 2016 година се соочи со тужба од компанија од Њу Џерси за продажба на лажни производи преку „Амазон“. Компанијата за е-трговија со седиште во Сиетл претстави различни алатки за сузбивање на лажните обвинувања, кои исто така ограничуваат кој што може да продава на популарната интернет-страница за шопинг. „Епл“ и „Амазон“ јавно го образложија својот договор како начин на борба против клевети и фалсификати, рече Флојд во својата тужба. Но, кога е направен договор за незаконски бојкот, веќе постојат достапни алатки за сузбивање на фалсификатите.
