Расте потрошувачката на нафтени деривати во Македонија, а најдобар показател за тоа е што има удвојување на увезените количини во изминатава деценија. Податоците на Регулаторната комисија за енергетика (РКЕ) покажуваат дека во 2011 година вкупниот увоз на нафтени деривати во земјава изнесувал околу 450.000 тони, а лани биле увезени над еден милион тони. Во земјава веќе подолг период не е направен увоз на сурова нафта бидејќи рафинеријата ОКТА не врши преработка на сурова нафта и производство на нафтени деривати.
Во Македонија има речиси триесетина трговци со нафтени деривати, а статистиката за увозот покажува интересни поместувања во количините увоз кај одредени компании. Иако на пазарот со нафта и нафтени деривати се присутни повеќе учесници има компании кои доминираат во увозот.
Имено, со години наназад „ОКТА“ е убедлив лидер во увозот на нафтени деривати во земјава. Количините кои ги увезува грчката компанија во просек изнесуваат околу 70 проценти од вкупниот годишен увоз на нафтени деривати во нашата држава.
Меѓутоа, во изминативе неколку години има менување на компаниите кои го завземаат второто место на листата најголеми увозници на нафтени деривати. Трката за втората позиција главно ја водат компаниите „Супер трејд“ и „Лукоил“.
Така, втор најголем увозник лани била компанијата „Супер трејд“ со учество од 11,3 проценти во вкупниот увоз, а на третото место била „Лукоил Македонија“ со учество од 7,8 проценти. Потоа следуваат „Црна Река Петрол“ со 3,1 проценти, „ОМ Петрол Скопје“ со 2,4 проценти, „ДЕТОИЛ – Куманово“ со 1,4 проценти и останатите трговци со помалку од 5 проценти.
Во 2020 година на второто место се најде „Супер трејд“ со учество од 10,43 проценти во вкупните увезени количини нафтени деривати во земјава, па „Лукоил Македонија“ со 8,50 проценти. Во 2019 година, пак „Лукоил Македонија“ со 10,06 проценти беше на второто место, а „Супер трејд“ со 7,19 проценти на тетото место.
Забележително е дека „Макпетрол“, која важи за една од најголемите нафтени компании во земјава увезува многу мали количини и во изминативе години не се јавува на листата од три најголеми увозници.
.webp){kind=icon}
Во моментов нема коментари за веста. Биди прв да коментира...