Британските пабови и ресторани го намалуваат работното време, бидејќи недостигот од персонал, високите трошоци за енергија и инфлациските притисоци го земаат својот данок.
Три четвртини од угостителските бизниси работат со намален капацитет, покажува истражувањето објавено од Британската стопанска комора.
Комората соопшти дека довербата и продажбата останале намалени на крајот на минатата година. Повеќето компании од овие сектори пријавиле пад на продажбата во споредба со оние што пријавиле зголемување на приходите.
„Деловната доверба останува загрижувачки ниска“, рече Дејвид Бариер, раководител на истражувањето, додавајќи дека инфлацијата и трговските бариери меѓу Обединетото Кралство и ЕУ особено ги оптоваруваат бизнисите. Истражувањето беше направено на крајот на ноември.
Кејт Николс, извршна директорка на трговското тело „Ју-кеј хоспиталити“ (UKHospitality), рече дека бројот на деловните субјекти што ги намалуваат работните часови „се забрза“ од летоска.
„За некои тоа значи затворање хотелски соби или вадење маси, а за други - откажување од услугата“, рече Николс. „За некои ќе значи дека воопшто нема да отвораат во понеделник, или нема да служат појадок или ќе отвораат само за ручек“.
Дермот Кинг, главен извршен директор на „Окман инс“ (Oakman Inns), го укина појадокот во понеделник и вторник на некои локации. „Некои од нашите помали пабови може да има причини да се затворат во понеделник“, рече тој.
„Генерално служевме појадок во осум часот наутро, но можеби ќе го отстраниме тоа од услугите кон средината на неделата, а некои пабови едноставно нема да бидат отворени до ручекот“.
Баровите и рестораните во градските центри имаат помалку клиенти поради штрајковите во железницата, а „Ју-кеј хоспиталити“ проценува дека приходите ќе бидат намалени за 2,5 милијарди фунти.
.webp){kind=icon}
Во моментов нема коментари за веста. Биди прв да коментира...