Во услови на постпандемија и рекордно висока инфлација делумно предизвикана од војната меѓу Украина и Русија - тажна реалност што нема да исчезне наскоро - клучно е инвеститорите да бараат нови можности за инвестирање за да продолжат да генерираат задоволителен поврат за своите клиенти.
Алтернативните приватни инвестиции на пазарот се растечка класа на средства, која е помалку поврзана со нестабилните јавни пазари. Одржливоста и општествено одговорното инвестирање исто така стануваат сè поважни, при што повеќе инвеститори бараат можности да вложуваат во компании што влијаат позитивно на животната средина и на општеството.
Експертите проценуваат дека до 2030 година глобалниот пазар во кој се вклучени образовни компании би можел да достигне 10 илјади милијарди долари. Студијата на Мекинси (McKinsey) покажа дека влијателните инвестиции во образованието може да бидат и одржливи и еластични, како и финансиски многу исплатливи, што го прави ова атрактивна алтернатива за инвеститорите што сакаат да променат нешто.
Во последните 15 години запишувањето во приватни училишта на глобално ниво е во пораст, а Централна и Источна Европа не се исклучок. Комбинацијата од школарина што ја надминува инфлацијата, големата побарувачка и потенцијалот за висок поврат влијае позитивно и ја зголемува атрактивноста на секторот. Неодамнешното инвестициско партнерство вредно 100 милиони евра помеѓу „Вентиџ бест ин клас“ (Vantage Best in Class), европски инвестициски фонд, и „Мејпл беар“ (Maple Bear), водечка светска мрежа на двојазични канадски училишта што има намера да отвори 60 училишта во Полска и Чешка, ни го привлече вниманието.
Ајде да разбереме повеќе за „Вентиџ бест ин клас“ (Vantage Best in Class) од Лук Албински, главен директор, и од Павел Леков, директор за финансиски операции
Лук Албински: Има голема побарувачка за приватното образование како основна потреба, привлекувајќи ги тие што се подготвени да платат за повисок квалитет на школување за своите деца. Школарините растат побрзо од инфлацијата поради ценовната нееластичност на образованието од родители што не сакаат да го нарушат учењето со менување училишта. Приватните институции имаат корист од повторливите школарини, обезбедувајќи стабилен приход за долгорочните инвеститори. Предностите во готовинскиот тек произлегуваат од тоа што училиштата бараат да се плати однапред. Инвестирањето во приватното образование ги диверзифицира портфолијата и нуди одбранбена вредност за време на економски падови и периоди на нестабилност на јавниот пазар со оглед на тоа што образованието останува приоритет додека другите потреби се одложуваат. Подобрените изгледи за вработување и конкурентноста што произлегуваат од висококвалитетната и квалификувана работна сила би требало дополнително да го поттикнат долгорочниот економски раст. Со отворање на нови локации во различни земји, приватните институции може да влезат на нови пазари и со тоа да ги зголемат своите приходи и профити. Што го прави канадското образование исклучително на глобално ниво?
Павел Леков: Канада е рангирана меѓу петте земји со најдобри резултати и според ПИСА (анг. PISA - Програма на ОЕЦД за меѓународно оценување на учениците) е прва меѓу сите земји од англиско говорно подрачје. Канадскиот модел лесно може да ги премине границите на различни региони и култури. Всушност, повеќе од 33 проценти од младите во Канада доаѓаат од семејства каде што и двајцата родители се од други земји. Практично, канадскиот систем е таков, па децата на новодојдените семејства се интегрираат доволно брзо за да постигнат еднакво високо ниво на знаење како и нивните добро етаблирани соученици.
Вештините што на светскиот пазар на трудот очајно ќе му бидат потребни за следната индустриска револуција, натпреварувајќи се со вештачката интелигенција и друга технологија, се посебно одредени преку прогресивните образовни стратегии на Канада.
Исто така, значајно е да се спомене дека неодамнешно истражување, од април 2023 година, спроведено во повеќе од 100 земји, ја рангира Канада како најдобра дестинација за студирање во странство кога станува збор за меѓународните студии, надминувајќи ги Обединетото Кралство и САД. Бројот на странски студенти што студираат во Канада постојано расте.
Зошто се одлучивте за соработка со „Мејпл беар“?
Лук Албински: Одбравме да бидеме партнери со „Мејпл беар“ поради предностите што ги нуди. Со оглед на тоа што станува збор за скалеста двојазична франшиза, таа брзо може да се воведе во училиштата насочени кон врвно ниво на пазарот, што е привлечно за нас како инвеститори со претходно ограничено искуство во образовниот сектор. Мрежата „Мејпл беар“ има 20-годишна успешна работа со добро подмачкани стандарди и процеси и има способност да помогне во сите области на новото образовно работење, не само со академици туку и со конкретни активности и маркетинг.
Дополнително, „Мејпл беар“ со 55.000 студенти низ светот претставува врвен бренд со висока репутација, што го зголемува бројот на уписи, обезбедува подобри цени и создава лојални клиенти, кои добро ги проценуваат долгорочните придобивки што нивните деца ги стекнуваат од образованието на „Мејпл беар“.
Академскиот производ на оваа мрежа, со 200 канадски образовни тренери и 50 креатори на наставни планови и програми, го зајакнува квалитетот на понудата на „Мејпл беар“. Оваа многу угледна мрежа, која редовно го обучува, менторира и тренира својот академски кадар е особено привлечна за наставниците и како таква се занимава со еден од главните предизвици во образованието - вработување и задржување на наставниот кадар. Наставната програма редовно се прегледува и ревидира за да се обезбеди најквалитетна настава.
Зошто „Вентиџ бест ин клас“ ги одбра училиштата токму на канадската „Мејпл беар“ во Централна и Источна Европа?
Павел Леков: Приватните капитални фондови настојуваат да инвестираат во компании со силен потенцијал за раст, со одбранбени позиции на пазарот, кои се способни да генерираат големи финансиски резултати и кои вработуваат компетентни менаџерски тимови.
Работиме во региони каде што пазарот расте кога станува збор за квалитетно двојазично образование. Родителите сакаат нивните деца течно да зборуваат англиски јазик уште од мали нозе. Ние имаме идеален производ за нив. „Мејпл беар“ во Централна и Источна Европа има добар успех и искусен менаџерски тим.
Со нивната оперативна стручност можат да нè поддржат во отворање училишта и градинки со повеќе оддели на различни локации низ Централна и Источна Европа, и тоа на организиран, брз и висококвалитетен начин. Исто така може да се потпреме на стручноста на компанијата „Мејпл беар глобал“ (Maple Bear Global), која успешно отвори 580 училишта во 35 земји.
Покрај тоа, одредени земји во регионот нудат голем потенцијал кога станува збор за односот на школарината наспроти оперативните трошоци.
На кои инвеститори би им го препорачале ова? Колкави се очекуваните приноси? Која е стратегијата за настап?
Лук Албински: Клучно е на идните инвеститори да им се нагласи дека хоризонтот за вложување се протега надвор од вообичаената временска рамка на мандатот на приватниот капитал и мора да ја нагласите потребата за подолгорочна перспектива. Способноста за вложување на инвеститорот треба да биде во согласност со овој проширен хоризонт, овозможувајќи одржлив раст во текот на многу години за да се максимизира потенцијалниот принос. Во одреден момент во иднина можеби ќе сакаме да спроведеме ИПО на нашата полска или чешка подружница за да им обезбедиме на локалните инвеститори можност за влез во возбудливата игра за образовен раст на нивните пазари и излез за монетизација за нашите постојни инвеститори.
Генерално, инвеститорите првенствено се фокусираат на растот на ЕБИТДА (EBITDA), маржите и очекуваниот поврат. Иако клучните параметри за вложување во „Мејпл беар“ се доверливи, можам да потврдам дека сите КПИ (KPI) за „Мејпл беар“изгледаат привлечно.
За „Вентиџ бест ин клас“
„Вентиџ бест инвесторс ин клас“ (Vantage Best investors in Class) е новоформиран алтернативен инвестициски фонд, чија цел е да обезбеди можност за инвеститорите да се вклучат во брзорастечкиот приватен образовен сектор. Сѐ поголемиот број запишани студенти, сѐ поголемата интернационализација на образованието, цврстите структури на цените, предвидливите парични текови и високите бариери за влез ги одржуваат приносите во овој сектор невообичаено високи. А, перформансите се покажаа како извонредно отпорни во однос на економските падови, војните и епидемиите.
„Вентиџ бест ин клас“ соработува со „Мејпл беар глобал скулс“ (Maple Bear Global Schools), најголемата и најбрзорастечка франшиза на двојазични училишта во светот, во инвестициска програма вредна 100 милиони евра за регионот на Централна и Источна Европа.
„Вентиџ бест ин клас“ се здружи со Мелвин Лубега, коосновачот на „Гоу1“ (Go1), една од најголемите библиотеки за електронско учење во светот и образовен еднорог, кој неодамна собра 100 милиони долари од „Софтбанк“ (Softbank), „Сејлсфорс“ (Salesforce) и „Мајкрософт“ (Microsoft), меѓу другите инвеститори со проценета вредност од над две милијарди долари за да инвестира во „Мејпл беар Полска“ и „Мејпл беар Чешка“, кои инаку планираат да отворат повеќе од 35 училишта и градинки низ Полска и повеќе од 15 училишта во Чешка.
promo
За Лук Албински
Лук Албински е основач и претседател на „Вентиџ бест ин клас“. Тој исто така има одговорности и како извршен директор на „Вентиџ мезанин бизнис“. Лук е еден од двајцата извршни членови на инвестицискиот одбор на фондовите „Мезанин“ и одигра водечка улога во 33 инвестиции направени од четирите фонда од 2007 година наваму.
Пред да му се приклучи на „Вентиџ“ во 2006 година, Лук помина време како консултант за стратегии во „Бејн“ (Bain & Co.) во Париз и во „Акценчр“ (Accenture) во Јоханесбург. Откако се стекна со диплома за МБА во ИНСЕАД (INSEAD), тој ѝ се приклучи на Меѓународната финансиска корпорација - ИФЦ (IFC) со седиште во Вашингтон. Во ИФЦ Лук работеше на советодавни и инвестициски проекти во Бразил, Габон, Романија и Босна и Херцеговина. По враќањето во Јужноафриканската Република во 1998 година, Лук му се придружи на „Браит“ (Brait) како извршен директор за договори, одговорен за вложување во различни клучни сектори.
Лук пораснал во полско домаќинство, течно зборува полски и има МБА-диплома од бизнис-школата ИНСЕАД во Фонтенблу, Франција. Додипломски студии по економија завршил на Институтот за политички студии во Париз.
promo
За Павел Леков
Павел му се придружи на „Вентиџ бест ин клас“ (Vantage Best in Class) на почетокот на 2022 година. Дипломирал сметководство и финансии (BSc) на бизнис-школата „Ворвик“ (Warwick Business School), а додека работел во „Делоит“ (Deloitt), Павел станал член на ИЦЕАВ (од англиската кратенка ICAEW: Institute of Chartered accountants in England and Wales), Институт на овластени сметководители (АЦА).
За „Мејпл беар ЦЕЕ“ (Maple Bear CЕЕ)
„Мејпл беар“ (Maple Bear) е една од најголемите и најбрзорастечки образовни мрежи во светот. Училиштата на „Мејпл беар“ нудат целосно канадски двојазични методологии и стратегии за учење што користат канадска и локална наставна програма. Во моментов има повеќе од 560 училишта за рано детство, основни и средните училишта.
„Мејпл беар ЦЕЕ“ работи во 22 земји во Централна и Источна Европа, развивајќи ја мрежата на канадски двојазични училишта и градинки. Седиштето на „Мејпл беар ЦЕЕ“ е во Софија, Бугарија. „Мејпл беар ЦЕЕ“ работи или е во процес на имплементација на повеќе од 45 училишта: Романија, Бугарија, Србија, Албанија, Украина, Грција, Полска и Чешка. Преку своето партнерство со „Вентиџ бест ин клас“ (Vantage Best in Class (VBIC), „Мејпл беар“ планира да отвори 200 нови училишта во 22 земји во следната деценија.
.webp){kind=icon}
