Секторот на недвижности е најпогоден во Европа во вториот квартал од годинава поради зголемениот притисок врз ликвидноста и намалената профитабилност.
Повисоките каматни стапки и падот на побарувачката за деловен простор вршат силен притисок на пазарот, покажува студијата на адвокатската фирма „Вајл, Готшал и Мангес“ (Weil, Gotshal & Manges), која собира податоци од повеќе од 3.750 европски компании.
Во сегментот на домување, зголемувањето на каматните стапки исто така влијае на достапноста на недвижностите, се вели во извештајот.
Втор најпогоден сектор е трговијата на мало поради падот на куповната моќ.
Проблемите се изразени и во финансискиот сектор, каде индексот на погоденост на секторот е највисок од октомври 2020 година, а најверојатно е последица на колапсот на неколку американски регионални банки и преземањето на банката „Кредит Суис“ (Credit Suisse), се вели во извештајот.
Географски, британските компании поднесуваат најголем стрес поради постојано високата инфлација. Базичната инфлација таму беше 7,1 отсто во мај.
Втор најпогоден е германскиот корпоративен сектор, каде што индексот покажува највисоко ниво на проблеми од ноември 2020 година. Во студијата се наведува дека тоа е последица на слабото закрепнување на економијата од техничката рецесија во која западна земјата во првиот квартал.
Во Франција ситуацијата е нешто подобра во корпоративниот сектор поради вонредните владини субвенции за енергетската криза, но се очекува и таму да се појават проблеми бидејќи субвенциите се намалуваат.
Генерално, кај компаниите се очекува во догледна иднина да се соочат со проблеми поради трошоците за сервисирање на долгот.
„Ќе видиме повеќе компании кои нема да можат да се рефинансираат во согласност со нивните бизнис планови, а новите трошоци за позајмување негативно би влијаеле на готовинскиот тек“, изјави еден од партнерите во адвокатската канцеларија, Ендрју Вилкинсон.
.webp){kind=icon}
