„Епл“ (Apple Inc.) објави пад на продажбата трет квартал по ред и прогнозираше слични перформанси за тековниот период, што се должи главно на падот на целата индустрија која пати од намалената побарувачк за телефони, компјутери и таблети.
Откако компанијата објави пад на приходите од 1,4 отсто, главниот финансиски директор Лука Маестри изјави дека перформансите на „Епл“ ќе бидат слични овој период. Дополнителен пад би ја означил најдолгата серија загуби во последните две децении - неверојатно забавување за највредната компанија во светот.
„Околината е предизвикувачка“, рече Даниел Флакс, виш истражувачки аналитичар во „Нојбергер Берман“, во интервју за Скарлет Фу на телевизијата „Блумберг“. „Потрошувачите се соочуваат со притисокот на општите каматни стапки, повисоката инфлација. Има многу вкрстени струи кои „Епл“, како и многу други компании, не можат да ги надминат“.
Bloomberg
Иако вкупниот приход на „Епл“ од 81,8 милијарди долари во минатиот квартал беше малку над проценките на Вол Стрит - благодарение на рекордната продажба на услуги - побарувачката за „Ајфон“ беше послаба од прогнозата. Тоа ги вознемири инвеститорите, кои ја намалија акцијата за дури 3,2 отсто во продолженото тргување.
Акциите на „Епл“ се зголемија за 47 отсто што е во рамките на растот во технолошкиот сектор во 2023 година. Ако падот на акциите продолжи за време на редовното тргување денеска, „Епл“ ризикува да ја загуби вредноста од три трилиони долари – што беше историска пресвртница која ја достигна во јуни.
За време на разговорот со аналитичарите, директорите ги обвинија курсните разлики за лошите резултати. Посилниот долар ги намали приходите на компанијата, од кои повеќето доаѓаат од странство. Maeстри, заедно со извршниот директор Тим Кук, нагласија дека продажбата ќе се зголемува од година во година доколку валутата остане константна.
Сепак, извештајот покажа дека многу фалениот „Ајфон“ не го избегнал падот што ги потресе ривалите и партнерите. „Квалком“ (Qualcomm Inc.), производителот на мобилни чипови и добавувач на „Ајфон“, веќе ги поттикна стравувањата од побарувачката за своите приходи во средата, што ги турна нивните акции, пред тоа да се случи со акциите на „Епл“.
Не помогна ни тоа што компанијата имаше недостиг од нови производи минатиот квартал – освен маргиналните ажурирања на десктоп компјутерите од високата класа и поголемиот „Мекбук ер“ ( MacBook Air). Во тековниот квартал сликата ќе биде поинаква зашто во овој период ќе бидат претставени новите „Ајфон 15“ и „Епл Вачес“.
Продажбата на „Ајфон“, производот кој носи најголема заработувачка на „Епл“, падна за 2,4 отсто на 39,7 милијарди долари во претходниот квартал, во споредба со проценката од 39,8 милијарди долари. Всушност, директорите на „Епл“ признаа дека пазарот на паметни телефони поминува низ забавување, особено во САД.
Bloomberg
„Епл“ исто така ги зауздува трошоците. Компанијата го забави вработувањето во неколку области, рече Маестри. „Многу сме задоволни од нашата способност да забавиме дел од растот на трошоците“.
Кина беше светла точка. Маестри рече дека уредите за носење - вклучително и „Епл Вач“и „Ерподс“- се покажаа особено добро во земјата. „Ајфон“ се одржа и во Кина, служејќи како „срцето на нашите резултати таму“, рече Кук.
Побарувачката за „Ајфон 14“ опаѓа бидејќи компанијата се подготвува да ја претстави следната верзија, која ветува дека ќе биде најзначајната надградба во последните три години. Новите модели обично своето деби го имаат во септември. Тоа значи дека најголемиот дел од приходите доаѓаат во следниот период, кој секогаш е најпрофитабилен период од годината.
Моделите на „Ајфон 15 Про“ ќе додадат нови функции како што се титаниумска рамка, потенки рамки околу екранот и побрз процесор. Но, со оглед на состојбата на бавно трошење на паметни телефони, сè уште е тешко да се натераат некои потрошувачи да се надополнат.
„Епл“ ги информираше добавувачите дека очекува испораките на уреди да останат исти како минатата година, на околу 85 милиони единици. Другите производители на телефони, вклучително и „Самсунг“ (Samsung Electronics Co.), исто така забележаа забавување или рамномерна продажба на нивните уреди.
Во тековниот квартал „Епл“ очекува подобрување на перформансите на „Ајфон“ и услугите во однос на минатата година.
Bloomberg
Доаѓајќи до актуелното прашање, Кук рече дека компанијата со години истражува генеративни технологии за вештачка интелигенција. „Блумберг“ минатиот месец објави дека „Епл“развил сопствен јазичен модел од големи размери - технологија како онаа што се користи за обука на чет-ботови со вештачка интелигенција, како што е Чат ГПТ на „Опен АИ“ - и подготвува притисок во областа на вештачката интелигенција за следната година. Таквите алатки можат да генерираат пишана содржина или слики врз основа на текстуални прашања.
Во меѓувреме, „Ајпад“ претрпе пад на продажбата од 20 отсто во минатиот квартал. Тој генерирал 5,79 милијарди долари, наспроти очекувањата за околу 6,33 милијарди долари. „Епл“ не ажурираше ниту еден од своите таблети од минатата година и нема да направи значителни промени ниту до 2024 година. Компанијата е подготвена да објави освежен „Ајпад про“ со премиум дисплеј во првата половина од таа година, објави „Блумберг“.
Нема да има таблети и во тековниот квартал делумно поради затворањето на фабриките во 2022 година, соопшти компанијата. Нарушувањето ги спречи потрошувачите да купуваат производи во третиот квартал од таа година, што доведе до скок во следниот период. Компанијата нема да го види тој ефект овој пат, смета менаџментот.
Приходите од услугите беа светла точка, зголемувајќи се за 8,2 отсто до 21,2 милијарди долари. Тоа ги надмина проценките од 20,8 милијарди долари. Растот беше „поттикнат од повеќе од една милијарда платени претплати“, рече Кук.
Компанијата со седиште во Купертино, Калифорнија ги наведе рекламирањето и „Епл Мјузик“како две категории кои поставуваат рекорди и додаде дека нејзиното партнерство со фудбалската лига (Major League Soccer) се одвива подобро од очекуваното. Компанијата започна со пренос на натпревари од лигата на својот сервис за стриминг претходно оваа година.
.webp){kind=icon}
