Закрепнувањето на деловните патувања не оди според планот

Од крајот на пандемијата, најголемите европски авиокомпании сметаа на деловни патници, но досега резултатите на кои се надеваа ги нема. Пред две години, извршниот директор на германската „Луфтханза“, Карстен Спор, предвиде зголемување од 90 отсто на деловните патувања, велејќи дека на луѓето им е доста од видео конференции.

Сепак, досега „Луфтханза“ закрепна само околу 60 отсто од нивото на деловни патувања од пред пандемијата, а до крајот на годината верува дека бројката би можела да достигне 70 отсто.„Бритиш Ервејс“ се соочува со сличен тренд, а извршниот директор на „Ер Франс“ Бен Смит дури верува дека францускиот домашен пазар никогаш нема целосно да закрепне„Нема да се вратиме на стариот пат“, тврди тој.

Надминувањето на пречките за закрепнување на деловните патувања изгледа како доста предизвик за авиокомпаниите, што е особено важно затоа што деловните луѓе плаќаат повеќе дури и кога патуваат во економска класа, едноставно затоа што честопати одлучуваат да купат билети во последен момент или се одлучуваат за поскапи билети, кои им даваат поголема флексибилност. Уште повеќе, авиокомпаниите би сакале да забележат раст на деловните патници во време кога се чини дека силниот раст по пандемијата на патувањата за одмор почнува да опаѓа. Во Германија, помалите компании кои го сочинуваат најголемиот дел од производството се вратија на патување, но главните играчи сè уште не толку, а причините се чини дека се структурни.

Bloomberg Mercury

Така, компанијата„Зурих Инсуранс Груп“ (Zurich Insurance Group) вели дека сака нејзиниот персонал да лета 70 отсто помалку отколку пред пандемијата за да го намали влијанието на нивниот бизнис врз емисиите на јаглерод. Дополнително, големите компании открија дека ефикасноста и леснотијата на видео конференции направија некои патувања да бидат непотребни, па сега, со инфлаторните трошоци и притисокот да се намали нивното оперативно влијание врз емисиите на стакленички гасови, тие гледаат мала причина за промена на нивната нова политика за патување.

Вистината е дека повеќето авиокомпании навистина не очекуваа службените патувања целосно да закрепнат, но тие сметаа на закрепнување од 85 отсто, вели Нил Глин од аналитичката компанија „Аир Контрол Тауер“ (Air Control Tower). Наместо тоа, корпоративното патување е на 60 проценти од нивоата пред пандемијата во Германија, 70 проценти во Јапонија и дури 80 проценти во САД. Според него, оваа улога ја игра културата на работа на далечина, свесноста за потребата од намалување на јаглеродниот отпечаток и поголема свесност за благосостојбата на вработените.

Во САД, „Американ Аерлинес“ (American Airlines) и „Саутвест Аерлинес“ (Southwest Airlines) се меѓу авиопревозниците кои се борат да се прилагодат на падот на корпоративната побарувачка за летање, додек, деловната побарувачка за патувања  расте побрзо во Шпанија отколку во Обединетото Кралство, бидејќи шпанските вработени побрзо се враќаат во канцеларија. Извршниот директор на компанијата, „Луис Галего“, вели дека подолгите патувања закрепнуваат побрзо од кратките патувања.

Bloomberg Mercury