Најмногу користени електронски комуникациски услуги од страна на деловните субјекти во Македонија се мобилна телефонија и интернетот, покажува новата анкета на Агенцијата за електронски комуникации.
„Во 2023 година околу 90 проценти од испитаниците користат мобилна телефонија, 78 проценти користат интернет, 49 проценти користат фиксна телефонија, додека 22 проценти користат телевизија како услуга во компанијата“, соопшти АЕК.
Околу 70 проценти од испитаниците за електронски комуникациски услуги за користените услуги плаќаат помалку од 5.000 денари месечно. Најголем дел од испитаниците или 84 проценти не добиле нереално висока сметка за електронските комуникациски услуги кои ги користат.
Прочитај повеќе
ББА-анализа: Ќе има разводи и нови врски кај телеком-операторите
Иднината е во одвојување на инфраструктурата во посебни единици и во соработка со компании од други индустрии.
23.08.2023
„Епл“ планира повисоки цени за новите модели „ајфон про“
„Епл“ бара од доставувачите годинава да произведат околу 85 милиони телефони „ајфон 15“.
25.07.2023
„Од испитаниците кои сметаат дека добиваат нереално висока сметка, дури 65,5 проценти добиле нереално висока сметка за услугата мобилна телефонија, 21 проценти за фиксна телефонија, а 17 проценти за услугата интернет“, информираат од АЕК.
Повеќе од половина од испитаниците користат услуги во пакет или 57,7 проценти од деловните корисници, и тоа најчесто пакет со фиксна, мобилна и интернет – 33,5 проценти од нив. Кај поголем дел од деловните корисници односно кај 54 проценти пакетот од електронски комуникациски услуги е од „Македонски Телеком“, додека 37 проценти користат услуги во пакет од „А1“.
Фиксна телефонија
Во 2023 година, 49 проценти од деловните корисници користат фиксна телефонија. Од нив 88 проценти користат само една телефонска линија. Околу 37 проценти не знаат каков приклучок/технологија на фиксна телефонија користат, додека од испитаниците кои знаат најзастапени технологии преку кои крајните корисници ја добиваат фиксната телефонија се кабелски приклучок (32 проценти) и оптички приклучок со 20 проценти.
За 59,4 проценти од корисниците е непознат точниот износ на месечна сметка за телефонија бидејќи услугата ја користат во пакет, додека приближноедна третина или 34,9 проценти плаќаат помалку од 2.000 денари за услуги на фиксна телефонија.
„Мал дел или 10 проценти од деловните корисници кои користат фиксна телефонија не се обврзани со договор за користење на овие услуги. Од оние корисници кои имаат склучено договор закористење на услугите, најчесто договорот го склучуваат за период од две години – 82,2 проценти од компаниите. За 80 проценти од компаниите договорите кои ги склучуваат се стандардни, додека 11,2 проценти од нив се изјасниле дека условите на договорот се специјално прилагодени за нивната компанија“, велат од АЕК.
Голем дел од корисниците на фиксна телефонија – 80,8 проценти, се задоволни од вредноста што ја добиваат во однос на цената. Во последните 12 месеци само 20,5 проценти од компаниите се соочиле со некаков проблем при користењето на фиксната телефонија. Како најчести проблеми сенаведуваат: недостапноста на услугата/услуга со прекини (47 проценти) и неквалитетниот сигнал (27 проценти).
Речиси 88 проценти од испитаниците се свесни дека на нивната локација се достапни услугите од други оператори на фиксна телефонија, но само 15 проценти од нив би го смениле својот оператор доколку друг оператор понуди пониска цена за десет проценти.
Мобилна телефонија
Речиси 90 проценти од деловните субјекти користат мобилна телефонија, а најголем дел се претплатници на „А1“ – 51,3 проценти или „Македонски Телеком’ – 47,6 проценти. Мобилна телефонија од „Телекабел“ користат 0,7 проценти од испитаниците и од „Лајкамобајл“ (Lycamobile) - 0,4 проценти. Речиси сите субјекти или 95,9 проценти користат услуга само од еден оператор.
„Дури 72,5 проценти од испитаниците за мобилна телефонија месечно плаќаат до 5.000 денари, а 81 проценти од испитаниците сметаат дека добиваат соодветна вредност на цената на услугата согласно тарифниот модел на мобилна телефонија“, велат од АЕК.
Речиси половина од испитаниците (44 проценти) би го промениле својот оператор на мобилна телефонија доколку друг оператор ги намали цените за 10 проценти. Најголем дел или 95,5 проценти од испитаниците се обврзани со договор да ја користат услугата мобилна телефонија, при што 10,2 проценти од нив се изјасниле дека условите се специјално прилагодени на компанијата.
„Во поглед на договорите кои ги потпишуваат корисниците, најголем дел од нив или 89,8 проценти ги склучуваат за период од две години. Околу 75 проценти за продолжување на договорот добиле дополнителни попусти и погодности“, информираат од АЕК.
Повеќе од половина од испитаниците (50,2 проценти) сметаат дека нивните вработени оваа година зборуваат повеќе на мобилен телефон во однос на претходната. Интернет на мобилен телефон за службени потреби се користи кај 81,4 проценти од деловните корисници што ја користат услугата мобилна телефонија. Приближно 21 проценти од деловните корисници користат роаминг услуга, при што најчесто се користат говорни услуги – 72 проценти, СМС – 51 процент и мобилен интернет – 35 проценти од деловните корисници.
Само 3,7 проценти од деловните субјекти (односно 10 компании) го промениле својот главен мобилен оператор во изминатата година. Најчестапричина за промена на операторот е наоѓање на поповолна понуда и истекување на договор. Наголем дел од оние кои го промениле операторот, го задржале истиот број заедно со префиксот.
Интернет
Околу 78 проценти од деловните корисници користат интернет во своето работење. Приближно половина се изјасниле дека се претплатници на „Македонски Телеком“ (45,3 проценти), додека 30,3 проценти се изјасниле дека се претплатници на „А1“ и 9,3 проценти на „Телекабел“.
Со договор се обврзани околу 96,6 проценти од деловните субјекти при користење на услугата интернет од кои кај 82 проценти од испитаниците договорот е склучен на две години.
„Можност за достапност за префрлање на друг интернет провајдер постои кај 90% од деловните субјекти од кои само 33 проценти би го промениле интернет провајдерот доколку цената за услугата се намали за 10 проценти.“, велат од АЕК.
Цената и стабилноста на интернет врската се најзначајни фактори за корисниците на интернет, односно кај 37,6 проценти од испитаниците главен двигател на задоволството е цената на услугите, додека кај 40,2 проценти стабилноста на интернет врската. Во претходните 12 месеци, само три деловни субјекти го промениле својот интернет провајдер.
„Во поглед на квалитетот на интернет услугата 81 проценти мислат дека односот цена квалитет на услугата која ја добиваат е соодветен. Околу 70 проценти од испитаниците се согласуваат дека лимитот и брзината на трансфер на податоци како и стабилноста на интернет конекцијата се на исто ниво како минатата година“, укажуваат од АЕК.
При користење на интернет услугата, околу половина или 45 проценти се соочиле со проблем. Половина од нив или 52 проценти се соочиле со непостојана брзина, а 47 проценти имале проблем со нестабилна конекција.
Анкетата е спроведена на репрезентативен примерок од 300 деловни субјекти, корисници на некоја од електронските комуникациски услуги во периодот 22 јуни-15 јули 2023 година.
.webp){kind=icon}
