Најголемите американски компании заостануваат многу зад своите кинески колеги кога станува збор за генерирање приходи од соларната енергија, од ветер, нуклеарни централи и од други видови обновливи извори на енергија.
Компаниите што го сочинуваат берзанскиот индекс S&P 500 генерираат само 3,4 отсто од приходите од чисти извори на енергија, што е приближно половина од она што го сочинуваат компаниите на Шангајскиот композитен индекс според „БлумбергНЕФ“. Со оглед на тоа што корпорациите се борат да преминат на нето нула емисии, аналитичарите анализираа повеќе од 8.000 компании за да утврдат колку од нивните приходи може да се припишат на чиста енергија.
„Преместувањето на деловните модели кон поеколошки активности значи повеќе отколку да се биде доблесен во корист на планетата“, вели Мајкл Дејли од „БлумбергНЕФ“. „Постои голема финансиска можност за компаниите што помагаат да се поттикне енергетската транзиција“.
Кинески компании како соларните лидери „ЛОНГи грин“ (LONGi Green Energy Technology Co.) и „Тонгвеи“ (Tongwei Co.) имаат корист од доминантната позиција на земјата во синџирот на снабдување со чиста енергија. Всушност, најголем број можности за инвестирање во чиста енергија има во азиско-пацифичкиот регион, според „БлумбергНЕФ“
Bloomberg
Нетранспарентност на извештаите
Азиско-пацифичкиот регион има повеќе од 680 компании што генерираат повеќе од половина од приходите од чиста енергија, која вклучува обновливи извори на енергија и нуклеарна енергија, електрифициран транспорт, биогорива, зафаќање на водород и јаглерод, проценува „БлумбергНЕФ“. Тоа се споредува со речиси 410 компании во САД и приближно 430 во Европа, Блискиот Исток и Африка заедно.
„Нетранспарентноста на извештаите на компаниите го прави откривањето на изложеноста на чиста енергија голем предизвик“, вели Дејли. На пример, повеќето големи нафтени и гасни компании не ги издвојуваат приходите од чиста енергија како посебна категорија. И некои, како што се гигантите за фосилни горива „Ексон мобил“ (Exxon Mobil Corp) и „Маратон петролеум“ (Marathon Petroleum Corp.), не даваат информации за какви било приходи од активности за чиста енергија. Не е изненадувачки што речиси сите производители и развивачи на обновлива енергија го добиваат најголемиот дел од приходите од чиста енергија, со што добиваат рејтинг А1 од „БлумбергНЕФ“.
Според „БлумбергНЕФ“, „Електрик де Франс“ (Electricie de France SA) генерирала речиси 70 отсто од своите приходи минатата година од нуклеарната енергија, со дополнителни приходи од хидро, ветер и соларни извори. Италијанската „Енап СпА“ (Enel SpA) има побалансирана мешавина на приходи од производство на чиста енергија и се рангира веднаш зад француската и шведската „Ватенфал АБ“ (Vattenfall AB) меѓу најголемите светски претпријатија со најголема изложеност на чиста енергија. Во автомобилскиот сектор, „Тесла“ и БИД се јасни лидери, далеку пред традиционалните производители на автомобили како што се БМВ и „Форд“.
Bloomberg Mercury
Гледајќи напред, Дејли вели: „Очекуваме традиционалните производители на автомобили да ја зголемат својата изложеност на електрични возила, бидејќи се издаваат повеќе модели и се воведуваат нови политики за поддршка на усвојувањето на електричните возила“.
.webp){kind=icon}
