Фармацевтската компанија „Галеника“ потврди за „Блумберг Адрија“ дека ја купува српско-словенечката компанија „Лајфмедик“ (Lifemedic), посочувајќи на понатамошни инвестиции и проширување на портфолиото на бразилскиот сопственик на „Галеника“ во целиот регион.
Така, „Галеника“ ќе стане сопственик на 100 отсто од акциите во „Лајфмедик“ и на тој начин ќе ја преземе ексклузивната дистрибуција на продуктната програма на реномираната италијанска фармацевтска компанија „Фармалајф рисрч“ (Pharmalife Research) за пазарите во Србија, Босна и Херцеговина, Македонија и Црна Гора.
Трансакцијата ќе биде завршена по процесот на одобрување на антимонополските комисии на пазарите во Србија, Македонија и Црна Гора, што се очекува на крајот на четвртиот квартал од 2023 година, по што ќе започне процесот на интеграција, потврдија од фармацевтската компанија.
„Откако стана дел од бразилската ’НЦ груп’ (NC Group), ’Галеника’ постигна значителен деловен раст и меѓународна експанзија. Купувањето на ’Лајфмедик’ и почетокот на соработката со италијанскиот производител ’Фармалајф рисрч’ претставуваат уште еден чекор во интернационализацијата на бизнисот на ’Галеника’ и ја потврдуваат нашата целосна посветеност на инвестиции и иновации во согласност со современите потреби на потрошувачите. ’Фармалајф рисрч’ има повеќе од 400 производи во своето портфолио и извезува во 60 земји низ светот. Среќни сме што најдовме глобален партнер што ги споделува нашите вредности за посветеност на квалитетот на производите и на здравјето“, изјави Рикардо Вијан Маркес, извршен директор на „Галеника“.
„Лајфмедик“ дистрибуира природни препарати, односно додатоци во исхраната произведени од „Фармалајф рисрч Италија“, чиј е ексклузивен увозник и дистрибутер и регионално. Производите на „Фармалајф“ ги вклучуваат оралниот спреј „апис гола“ (apis gola), додатоците „аппетито“ (appetito), „феро ц“ (ferro c) и „имунио а24“ (immuno a24).
Според податоците собрани од „Дан енд Бредстрит“ (Dun&Bradstreet) пред купувањето, Александра и Зоран Станимировиќ имале по 25 отсто од акциите во „Лајфмедик“, а 50 отсто држел словенечки „Сан-инвест“. Овој дистрибутер во 2022 година имал вкупни приходи од 4,6 милиони евра и нето-приходи од 821.232 евра. Просечниот број на вработени во компанијата лани бил 17.
„Лајфмедик“ има стабилен двоцифрен раст и партнерства со повеќе од 5.000 аптеки и малопродажни синџири во целиот регион, додава „Галеника“.
„По 14 години успешен бизнис на ’Лајфмедик’ во Србија и регионот, како и континуиран раст и развој на брендот и производите на ’Фармалајф’, верувам дека оваа аквизиција со ’Галеника’ ќе донесе уште поголема вредност и ќе постигне понатамошно проширување на производите на ’Фармалајф’ во регионот“, изјави Станимировиќ, генерален директор на „Лајфмедик“.
Регулаторите за конкуренција во Србија и во Македонија исто така ги потврдија извештаите за концентрацијата на пазарните учесници во овој случај.
„Комисијата за заштита на конкуренцијата доби извештај за концентрацијата на учесниците на пазарот ’Галеника’ и ’Лајфмедик’, за што ќе се одлучува во постапката и роковите во согласност со Законот за заштита на конкуренцијата“, се наведува во одговорот на српската комисија за заштита од конкуренција на прашањата од нашата редакција.
Depositphotos
Растот на „Галеника“
Српска „Галеника“ е дел од „НЦ груп“ од 2017 година. Оваа инвестициска компанија од Бразил се фокусира на фармацевтски инвестиции.
На почетокот на годинава „Галеника“ најави инвестиција од 35 милиони евра во Србија и проширување во Европската Унија, а резултатите на компанијата покажаа значително зголемување на продажбата и производството, а дури 29 производи беа пуштени на пазарот во првата половина на годината.
Планот на „Галеника“ е до крајот на 2025 година да изгради нови фабрики за производство на суровини, пробиотици и суплементи, таблети и амбалажа. Инвестициите се однесуваат и на зголемување на магацинскиот простор, инвестиции во дигитализација и подобрување на работата во други области од бизнисот.
Преземањето на „Лајфмедик“ е втора аквизиција на дистрибутер во Србија овој месец, откако унгарската „Ваберер“ (Waberer's) го купи „МД интернешнл“ (MD International). Наедно, втората аквизиција за еден месец е исто така во фармација, бидејќи „Др. Макс“ (Dr. Max) ги презеде аптеките на „Медигруп“ (Medigroup).
Како што покажа истражувањето на аналитичарите на „Блумберг Адрија“, се очекува раст на фармацевтската индустрија во наредниот период, особено поради стареењето на европското население. Сепак, главните предизвици остануваат изложеноста на Русија и поврзаните неизвесности, очекуваната депрецијација на рубљата во однос на еврото и зголемената конкуренција во областа на генеричките лекови, сметаат аналитичар
.webp){kind=icon}
Во моментов нема коментари за веста. Биди прв да коментира...