Хаос на аеродромите, доцнење и откажување летови има и во Македонија

На средина сезоната на летни одмори, по европските аеродроми метеж, нервозни патници, изгубен багаж. Летовите секојдевно доцнат или се откажани заради недостиг на персонал, но и заради штрајковите за поголеми плати.  За два дена, вчера и завчера, беа откажани близу 4.500 летови низ светот, според порталот FlightAwere. Доцнеа над 38.000 летови. Во Европа најмногу откажани летови има скандинавската  авиокомпанија САС која минатата недела поднесе барање за стечај во САД по втор пат во последните две години.

За да не бидат клиентите незадоволни, дел од компаниите и ја запреа или ограничија продажбата на карти со цел најпрво да ги услужат патниците чиј лет бил откажан.

Има и доцнења и откажувања и во Македонија, бројот на патници годинава расте

Аеродромскиот хаос засега е далеку од земјава. Од ТАВ, операторот на двата аеродорми во земјава велат дека немаат проблем со капацитетите кои би можеле да предизвикаат доцнења или откажувања на летовите.

„Има доцнења и откажувања на летови на Меѓународниот Ародром Скопје и на Аеродромот Свети Апостол Павле во Охрид, но ние не можеме да кажеме дека тоа се случува поради една или повеќе причини“, велат од прес - службата на ТАВ Македонија. „Како аеродромски орпеатор ние ги добиваме информациите од авиокомпаниите кои одлучуваат дека ќе има доцнења или откажувања и истите се случуваат или поради оперативни причини или пак поради временски услови“.

Проблемите кои настанаа последните две недели на европските аеродроми принудуваат дел од најголемите компании да откажат илјадници летови до октомври. Таква најава стигна и од нискобуџетната компанија Виз ер која оперира во земјава. Од таму велат дека ќе го намалат бројот на летови за 5 отсто. Нема најава дека дел од нив ќе бидат од земјава.

„Како аеродормски оператор, ние не ги добиваме конкретните причини за откажувањата на летовите од страна на авиокомпаниите“, велат од ТАВ.

Засега, бројот на летови и патници во земјава расте и се враќа на нивото од пред пандемијата. Заклучно со јуни годинава бројот на патници и летови е поголем од лани и полека се изедначува со 2019 година, односно годината пред почетокот на КОВИД кризата и затворањето на земјата.

Во јуни од македонските аеродроми имало вкупно 2.120 полетувања и слетувања што е за 43 отсто повеќе од лани и за еден отсто помалку од јуни 2019.

Расте и бројот на патници. Тој во јуни изнесувал 236.239 што е двојно повеќе од лани и 5 отсто помалку споредено со јуни 2019.  

Во регионот авионите доцнат

Ниту во регионот не се очекува силно прелевање на кризата од европските аеродроми, но доценење и откажување на летовите има.

Од загрепскиот аеродром, Фрањо Туѓман, за хрватската редакција на Bloomberg Adria, велат дека имаат доволен број вработени, но и извесни потешкотии.

„Ситуацијата која се бележи на аеродромите низ Европа се рефлектира и на сообраќајот во Загреб на тој начин што доаѓа до доцење во пристигнувањата, а како последица на тоа и на заминувањата, а има проблеми и со багажот.

На белградскиот аердором „Никола Тесла“ за овие петнаесетина дена националниот авиопревозник  Ер Србија откажал десетина летови што е помалку од еден отсто од вкупниот број. На крајот на јуни само во еден ден ден повеќе од 15 лета доцнеле повеќе од еден час.

Керозинот поскапува, ќе поскапат билетите

Се најавува и поскапување на билетите. Во следните пет години тие ќе мора да се зголемат за авиокомапниите да станат конкурентни. Според главниот извршен директор на Ryanair, Michael O’Leary, картите на оваа компанија ќе се зголемат од сегашните 40 на 50 и 60 долари. Цените мора да растат заради зголемените трошоци за гориво и еколошките такси.

Во моментов нема коментари за веста. Биди прв да коментира...

Остави коментар