.webp){kind=icon}
„Спејс екс“ на Илон Маск започна дискусии за продажба на акции по цена што ја вреднува компанија 175 милијарди долари или повеќе, според лица запознаени со тоа прашање.
Највредниот американски стартап разговара за тендерска понуда што може да се движи од 500 до 750 милиони долари, наведоа некои од лицата, кои побараа да останат анонимни бидејќи информациите се доверливи. „Спејс екс“ сака да понуди акции од околу 95 долари по парче, наведуваат изворите.
Условите и големината на тендерската понуда може да се променат во зависност од интересот на продавачите и на купувачите.
Процената од 175 милијарди долари е премија во однос на вреднувањето од 150 милијарди долари што компанијата го доби преку тендерска понуда летоска. Зголемувањето ќе го направи „Спејс екс“ една од 75-те најголеми компании во светот по пазарна капитализација, на исто ниво со „Т-мобајл“ (T-Mobile USA) 179 милијарди долари, „Најк“ 177 милијарди долари и „Чајна мобајл“ 176 милијарди долари, според податоците собрани од „Блумберг“.
Претставниците на „Спејс екс“, формално познат како „Спејс експлорејшн“ (Space Exploration Technologies Corp.), не одговорија веднаш на барањето за коментар.
Bloomberg
Компанијата со седиште во Хоторн, Калифорнија, доминира на пазарот за комерцијални услуги за лансирање во вселената со своите ракети „Фалкон“. „Спејс екс“ исто така испраќа носивост во орбитата за клиентите од приватниот сектор, како и за Националната аеронаутичка и вселенска администрација и други владини агенции.
„Спејс екс“ исто така оперира со услугата старлинк-интернет од вселената, закотвена во растечкото соѕвездие сателити во ниската орбита на Земјата.
„Спејс екс“ е на пат да резервира приходи од околу девет милијарди американски долари годинава преку своето лансирање ракети и „Старлинк“, објави „Блумберг“ минатиот месец, со прогноза дека продажбата ќе порасне на околу 15 милијарди долари во 2024 година. Компанијата исто така разговара за иницијална јавна понуда за „Старлинк“ веднаш до крајот на 2024 година - обид да се искористи големата побарувачка за комуникации преку вселената.
