„Волво“ неделава (Volvo Car) го произведе својот последен автомобил со дизел-погон, со што ѝ стави крај на ерата на дизелот за производителот, кој планира до 2030 година да произведува само електрични возила.
Теренецот XC90 излезе од производствената лента во фабриката „Торсланд“ во Шведска во вторникот вечер. „Волво“ постепено ја укинува дизел-технологијата исто како што се намалува глобалната побарувачка за електрични возила, иако ќе продолжи да произведува автомобили со бензински мотори.
„Сосема сме уверени дека имаме многу добри понуди за клиентите дури и без дизел“, рече во едно интервју Ерик Северинсон, извршен директор за нови автомобили и оперативна стратегија во „Волво“.
Другите производители на автомобили беа стратегиски необврзани кога очекуваа постепено да ги укинат моторите со внатрешно согорување, а некои се откажаа од целите на електричните возила. „Мерцедес бенц“ (Mercedes-Benz Group AG) минатиот месец ги отфрли своите прогнози за продажба на оваа технологија и сега очекува возилата на батерии да останат на помалку од половина од продажбата подолго од очекуваното. Кон крајот на минатата година, „Ауди“ (Audi) објави дека го повлекува воведувањето на електричните возила.
Bloomberg
Во 2017 година „Волво“ стана првиот голем производител на автомобили што се обврза на постепено укинување на возилата што се напојуваат исклучиво од фосилни горива и оттогаш воведе неколку хибридни и целосно електрични модели. Во Европа, главниот пазар на брендот, дизел-автомобилите го достигнаа врвот пред девет години, со околу половина од новите продажби. Тие паднаа на 14 отсто од регистрациите минатата година.
XC90 беше клучен за заживувањето на автомобилскиот производител од 2014 година, кога беше претставен како прв автомобил изграден на нова основа развиена под надзор на Ли Шуфу. „Волво“ ќе го прикаже последниот XC90 на отворањето на музејот „Волво“ следниот месец во Гетеборг. Премиум теренецот има електричен брат, EXS90.
Прогласен од европските производители на автомобили како почиста алтернатива на бензинот, дизелот успешно се користеше во раните години на векот. Но побарувачката падна откако „Фолксваген“ (Volkswagen AG) во 2015 година призна дека на своите дизел-мотори им вградил софтвер за да ги заобиколува тестовите за штетни емисии.
„Иако ’Волво’ ќе продолжи да ги поддржува своите дизел-клиенти и да нуди резервни делови, не забавуваме кај електричните возила бидејќи технологијата сепак нуди поголем раст на долг рок“, рече Северинсон.
„Веруваме дека нашите клиенти гледаат ист вид на транзиција кон зелена мобилност како и ние“, рече тој.
.webp){kind=icon}
Во моментов нема коментари за веста. Биди прв да коментира...