Кинескиот производител на автомобили БЈД (BYD Co.) го претстави својот трет електричен автомобил во Јапонија во обид да освои поголем удел на јапонскиот пазар, на кој доминираат хибриди и домашни брендови.
Електричниот седан „сил“ (Seal) излезе во продажба во вторникот, а цената започнува од 5,28 милиони јени, што е околу 33.100 долари. Капацитетот на батеријата е 82 киловат-часа, а првите 1.000 возила ќе се продаваат со попуст. Верзијата со погон на четири тркала чини 6,05 милиони јени.
Продажбата на БЈД не скокна откако компанијата влезе на јапонскиот пазар на патнички автомобили. Проблем се популарноста на хибридите и јапонската тенденција да се купуваат домашни возила.
Прочитај повеќе
Новите хибриди на БЈД можат да поминат 2.000 километри без полнење
Новите хибриди би можеле да одат од Сингапур до Бангкок, од Њујорк до Мајами или од Минхен до Мадрид.
29.05.2024
БЈД го претстави суперавтомобилот со кој ќе му биде ривал на „Ферари“
„Јангван У9“ првично ќе биде наменет исклучиво за кинескиот пазар.
26.02.2024
БЈД го надмина „Фолксваген“ и стана најпродаван автомобилски бренд во Кина
БЈД официјално го престигна „Фолксваген“ како најпродавана марка на автомобили во Кина за 2023 година.
23.01.2024
Кинески БЈД станува најпопуларен производител на електрични возила во светот
БЈД забрзано се приближува до водечката позиција во светската продажба на електрични возила.
28.12.2023
Во 2023 година БЈД продаде 2.206 возила во Кина, додека „Нисан“ (Nissan) продаде околу 34.000 модели на „сакура“ (Sakura), кој е негов најпопуларен електричен автомобил. Севкупно, продажбата на БЈД во Јапонија падна за 26 и 28 проценти во април и мај, на годишно ниво.
Liesa Johannssen/Bloomberg
Цената на моделот „сил“ во Јапонија е блиску до цената на „тесла модел 3“ (Tesla Model 3), кој чини околу 5,3 милиони јени. Моделот „корола“ (Corolla) на „Тојота“ (Toyota) со бензински мотор чини околу два милионa јени.
Учеството на јапонскиот пазар станува сè поважно за кинеските производители на електрични автомобили бидејќи ситуацијата за сите нив е потешка во САД или Европа. САД воведоа царини од 100 отсто за кинеските електрични возила, што практично ги спречува да учествуваат на тој пазар, а Канада се подготвува за сличен чекор. Европската Унија предложи царините за кинеските возила да се зголемат до 48 отсто.
„Сакаме да станеме главен играч во извозот на електрични возила во Јапонија“, рече претседателот на БЈД во Јапонија, Ацуки Тофукуџи. Тој додаде дека компанијата планира да воведува по еден нов автомобил во Јапонија секоја година.
БЈД има 55 продажни салони во Јапонија, а таа бројка сака да ја зголеми на 90 до крајот на годината, а на 100 следната година.
.webp){kind=icon}
