.webp){kind=icon}
Влијанието на „Доминос пица“ (Domino’s Pizza Inc.) во домот на пицата се покажа како краткотрајно, бидејќи Италијанците ги фаворизираат локалните ресторани наместо американска верзија.
Последната од 29-те филијали на Domino’s е затворена откако компанијата започна со работа во земјата пред седум години. Позајми многу за плановите да отвори 880 локации, но се соочи со тешка конкуренција од локалните ресторани кои ги проширија услугите за испорака за време на пандемијата и побара заштита од доверителите откако остана без готовина и заостана со своите должнички обврски.
Американскиот синџир влезе во Италија во 2015 година преку договор за франшиза со ePizza SpA и планираше да се истакне преку обезбедување на структурирана национална услуга за испорака заедно со додатоци во американски стил, вклучително и ананас.
Bloomberg Mercury
Амбициозната експанзија наиде на проблеми бидејќи традиционалните производители на пица ги зголемија испораките или потпишаа договори со сервиси од трети страни како „Деливеро“ (Deliveroo Plc), „Џаст ит“ (Just Eat Takeaway.com NV) или „Глово“ (Glovo) за да ги испорчаат своите производи во домовите на клиентите додека ограничувањата поради пандемијата го спречуваа јадењето по ресторани.
„Го препишуваме проблемот на значително зголеменото ниво на конкуренција на пазарот за испорака на храна со организирани синџири и ресторани, на сервисите и рестораните кои повторно се отвораат по пандемијата и потрошувачите кои сè почесто се хранат надвор“, посочи ePizza во извештајот до инвеститорите што ги придружува резултатите од четвртиот квартал во 2021 година.
Претставниците на САД и Италија за ePizza и Domino’s не одговорија на пораките со кои беше побаран коментар. Компанијата веќе ги намали операциите во земјата од нивниот врв во 2020 година и престана да нуди испорака од својата веб-страница на 29 јули.
Сепак, затворањето беше изненадување за некои од нејзините клиенти, кои се обратиле на социјалните мрежи на пицеријата прашувајќи зошто не одговара на нивните повици и нарачки или зошто нивната локална продавница е затворема.
Ова уследи по априлската одлука во Милано со која на компанијата ѝ беше одобрена судска заштита од доверителите во времетраење од 90 дена, според пријавата на ePizza. Мерките, кои ги спречуваа заемодавачите да бараат отплата на долгот или да го запленат имотот на компанијата, истекоа на 1 јули.
Компанијата имала долг од 10,6 милиони евра на крајот на 2020 година, според најновите ревидирани годишни извештаи.
