„ОКТА“ ги објави финансиските резултати за првите девет месеци од 2024 година со ЕБИТДА која изнесува 336 милиони денари (5,4 милиони евра) и добивка пред оданочување од 151 милион денари (2,4 милиони евра).
„Иако извозната продажба се зголеми за 12 проценти, пониските меѓународни цени на нафтата и зголемените оперативни трошоци влијаеја на резултатите“, информираат од „ОКТА“.
Приходите од продажба на компанијата достигнаа 34,3 милијарди денари (558 милиони евра), што е намалување од 36,1 милијарда денари (587 милиони евра) остварени во истиот период претходната година. Бруто маржата е намалена за 30 проценти споредено со истиот период минатата година и изнесува 637 милиони денари (10,3 милиони евра), пред сè поради падот на цените на нафтата.
Прочитај повеќе
ББА-анализа: ЕСМ и „Окта“ меѓу енергетските капиталци во регионот
Иако е во различна фаза на либерализација, на пазарот и натаму доминираат големи вертикално интегрирани државни компании.
06.11.2023
Добивката на „ОКТА“ намалена за 59 проценти
Од компанијата информираа дека приходите од продажба се намалени за 22 проценти споредено со истиот период минатата година, како последица на падот на меѓународните цени на горивата.
31.10.2023
„Oкта“: Пад на приходите, раст на приспособената ЕБИТДА
Компанијата ги објави финансиските резултати за вториот квартал и првото полугодие.
31.07.2023
„ОКТА“ ја зголеми добивката за 44 проценти
Компанијата одлично се снајде во предизвикувачки услови за работа
28.02.2023
„Во третиот квартал од 2024 година, обемот на продажба се зголеми за два процента споредено со истиот период минатата година изнесувајќи 332.000 м³, поттикнат од зголемената продажба на домашниот пазар за шест проценти. Меѓутоа, падот на цените на нафтата влијаеше негативно на вреднувањето на залихите, намалувајќи ја бруто маржата за 64 проценти и ЕБИТДА-та за 78 проценти споредено со истиот период минатата година“, наведуваат од „ОКТА“.
Оттаму додаваат дека приспособената ЕБИТДА ги надмина минатогодишните нивоа за 43 проценти, поддржана од зголемената продажба на домашен пазар, чисти маржи (без ефект од вреднувањето на залихите) и пониските оперативни трошоци.
„Во третиот квартал од 2024 година, компанијата изврши откуп на 10 проценти од сопствените акции, покажувајќи доверба во нивната долгорочна вредност и посветеноста на своите акционери“, соопшти компанијата.
.webp){kind=icon}