„Лидл“ заинтересиран да отвори маркети на две локации во Штип

Познатиот германски бренд „Лидл“ е заинтересиран за отворање на маркети на две локации во Штип.

Градоначалникот на општината, Иван Јорданов денеска на новинарско прашање, каде ќе биде лоциран „Лидл“ во Штип, одговори дека оваа компанија е заинтересирана за две локации, едната е спроти поранешното нервно одделение, каде што во моментов и интензивно се доградува и булеварот „Партизанска“, а втората е кај автобуската станица во Штип.

„На потегот кај булеварот 'Партизанска' веќе се работи на земјените работи, а втората локација од она што го добивме како информација од страна на оваа компанија е дека преговараат со сопственикот на објектот на автобуската станица. Информациите исто така говорат дека автобуската станица делумно ќе остане овде, нема да се дислоцира. Така што на еден дел на оваа површина најверојатно ќе се постави соодветен објект, каде што ќе биде и вториот маркет на 'Лидл'“, вели Јорданов.

Во моментов нема коментари за веста. Биди прв да коментира...

Остави коментар