„Скопски пазар“ и „МГ Фешн“ ја зголемија сопственоста во „Македонијатурист“

„Скопски пазар“ купи дополнителни 450 акции од „Македонијатурист“ и сега поседува 89.814 акции односно 19,86 проценти од вкупниот број обични акции, соопшти компанијата преку Македонската берза. Со новата трансакција „Скопски пазар“ ја зацементира позицијата – најголем поединечен акционер во „Македонијатурист“. Истовремено, „МГ Фешн“ купила дополнителни 233 акции и сега поседува 51.145 акции односно 11,31 проценти од вкупниот број обични акции издадени од „Македонијатурист “.

„Блумберг Адрија“ во повеќе наврати пишуваше дека во „Македонијатурист“ има значителни промени во сопственичката структура и обиди за окрупнување на сопственичкиот капитал. Според податоците на Централниот депозитар за хартии од вредност, заклучно со 27 јануари меѓу акционерите коишто поседуваат над пет проценти од акциите освен „Скопски пазар“и „МГ фешн“ се и „Промедика“, која поседува 11,90 проценти од акциите, Симеон Павлов(10,47 проценти), „Македонијатурист“ (10 проценти) и „Чезакомерц“(6,34 проценти).

Неодамна, „Македонијатурист“ по барање на акционерот „Скопски пазар“ распиша повик за вонредна седница на Собранието на акционери која ќе се одржи на 17 февруари и на која треба да има промена на членовите на Надзорниот одбор на компанијата. Повеќето акционери коишто поседуваат над пет проценти од акциите веќе доставија свои предлози за нови членови на Надзорниот одбор. 

Во моментов нема коментари за веста. Биди прв да коментира...

Остави коментар